ကျောက်တော်မြို့နယ်သည် ပင်လယ်ရေမျက်နှာပြင်အမြင့် ၁၉ ပေ၊ ၂၀ ပေ အမြင့်ရှိပြီး နှစ်စဉ် မိုးရေ ချိန်လက်မ ၂၀၀ ကျော်ရွာသွန်းသည့် မြို့တစ်မြို့ဖြစ် ပါကြောင်း၊ ကျောက်တော်မြို့ သည် ရေကြီးရေ လျှံဖြစ် သည် ဆိုသည်မှာ ၁၉၉၆ ခုနှစ်တွင် တစ်ကြိမ်ဖြစ်ဖူးပြီး နှစ်ပေါင်း ၂၀ အတွင်းနောက်ပိုင်း ရေကြီးရေလျှံမှုဖြစ်ပွားပြီး အခုနောက်ပိုင်းနှစ်များ တွင် နှစ်စဉ် လိုလို ရေကြီးရေလျှံမှု များဖြစ်ပေါ် ပါကြောင်း၊ ပြည်သူ များ ရေဘေးဒုက္ခ ကျရောက်နေသည်ဆိုသည့် သတင်းကို မီဒီယာမှတစ်ဆင့် အားလုံးသိပြီးဖြစ်ပါကြောင်း၊ ရေကြီးရေလျှံဖြစ်သည် အဓိကမှာ ကမ္ဘာ့ရာသီဥတုဖောက်ပြန်လာမှု၊ ပင်လည်ရေ မျက်နှာပြင် မြင့်တက် လာမှုဆိုသည့် အကြောင်းတရားများလည်း ရှိနိုင်ပါကြောင်း၊  ကျောက်တော်မြို့နယ်တွင် ရှိနေသည့် ရထားလမ်း၊ ကားလမ်းများသည် Services တည်ဆောက်သည့် အချိန်က စနစ်တကျ မလုပ်ခဲ့သည့်အတွက် တစ်မြို့နယ်လုံး တစ်လတွင် မိုးရေချိန်လက်မ ၅၀ နှင့် ၆၀ ကြားရွာသည့် မြို့ဖြစ်သည့်အတွက် တစ်မြို့နယ်လုံးဖြန့်ကျက်နေသည့် မိုးရေများ၊ အနယ်နယ်အရပ်ရပ်မှ စီးဆင်းလာသည့် ရေများကို တာပေါင်ကြီး များကဲ့သို့ ရထားလမ်း၊ ကားလမ်းများကို ပိတ်ပြီးစီထားသည်ကို တွေ့ရှိရပါကြောင်း၊ ပြီးခဲ့သည့် ၂၀၁၅ ခုနှစ်၊ ဆိုင်ကလုန်းမုန်တိုင်း ဖြစ်ခဲ့စဉ်က ကျောက်တော်မြို့နယ်၏ ရွာအများစုသည် ဆည်ကြီးထဲ ကို ရောက်နေသကဲ့သို့ ဒုက္ခရောက်ခဲ့သည့် အခြေအနေနှင့် ကြုံတွေ့ခဲ့ရပါကြောင်း၊ ရေထွက်ပေါက်များ ပိတ်နေသည့်အတွက် ရထားလမ်းနေရာများသည် ပတ္တလားလမ်း ကဲ့သို့ ဖြစ်ပေါ်နေပြီး နိုင်ငံတော်မှ ယခု အချိန်ထိ ပြန်လည်တည်ဆောက်ပေးသည်ကို မတွေ့ရှိသေးပါကြောင်း၊ မိမိတို့ ကျောက်တော်မြို့နယ်သည် အဓိက အားထားနေရသည့် မြို့ဖြစ်သည့် အတွက် ရေဘေးဖြစ်သည့်အချိန်တွင် ကိုယ့်အိမ် ကိုယ့်ရွာကို စွန့်ခွာပြီး အထုပ်အပိုးများ ထမ်းပြေးရသည့် အခြေအနေမှာမှ ရေဘေးသင့်သည်ဟု ထင်ကြပါကြောင်း၊ စိုက်ပျိုးရေးကို အခြေခံပြီး စီးပွား ရှာနေရသည့် ပြည်သူများမှာ ၎င်းတို့၏ လယ်မြေများ ဆုံးရှုံးမှု၊ မွေးမြူထားသည့် ကျွဲ၊ နွား၊ တိရစ္ဆာန်များ ပျက်စီးဆုံးရှုံးမှုသည်လည်း နှစ်စဉ်လိုလို မိမိတို့ ကျောက်တော်မြို့နယ်သူ/မြို့နယ်သားများ ကြုံတွေ့နေ ရခြင်း ဖြစ်သည့်အတွက် သက်ဆိုင်ရာအစိုးရအဖွဲ့များမှ အသေအချာ ကွင်းဆင်းစစ်ဆေးပြီး လိုအပ်သည့် နေရာများတွင် တံတားများတည်ဆောက်ပေးရန်၊ Bus Culvert များ တပ်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။