မဲဆန္ဒနယ်ရှိ နိုင်ငံသား မှတ်ပုံတင် ကိုင်ဆောင် ထားသော နိုင်ငံသား များသည် နိုင်ငံသား မှတ်ပုံတင်သွား လုပ်ရာတွင် သွေးနှောဆိုပြီး အနည်းဆုံးခြောက် လ မှ တစ်နှစ်လောက်အထိ ကြန့်ကြားနေ တာကို တွေ့ရ ပါကြောင်း၊သာဓကတစ်ခုအနေဖြင့် မိမိတို့ ဒဂုံမြို့သစ်(မြောက်ပိုင်း) မြို့နယ် လဝက ပုံစံ ၆၆/ ၆ ဖြင့် နေထိုင်သော မိသားစုတစ်ခုက အဖေက ၁၄/ဝခမ(နိုင်) မှတ်ပုံတင်ကိုင်ဆောင်သူဖြစ်ပြီး၊အမေကလည်း ၁၄/ဝခမ (နိုင်) သာ ထွက် ခဲ့ပြီး ဖြစ်ပါကြောင်း၊၎င်းတို့၏ သမီးအငယ်ဆုံး မှတ်ပုံတင်လုပ်ရာတွင် ခြောက်လကျော် ကြန့်ကြာနေသည့်အတွက် မိမိတို့ထံ လာရောက်ပြီး အကူ အညီတောင်းရာတွင် စာရွက် စာတမ်းများ  တောင်းကြည့်ရာတွင် သူ့၏ အဖေနှင့် အမေသည် နိုင်ငံသား မှတ်ပုံတင်ရှိကြပါကြောင်း၊ထို့အပြင် အစ်မ (၂) ယောက်လည်း မှတ်ပုံတင်ရရှိပြီးမှ အငယ်ဆုံးသမီး မှတ်ပုံတင် လုပ်သည့်အခါတွင် အဖေက တရုတ်သွေးနှောနေသည့် အတွက် ပြန်လည် စိစစ်နေရပါ သည်ဟု အကြောင်းပြပြီး ခြောက်လကျော် ကြန့်ကြာနေပါကြောင်း၊လဝက စုံစမ်းသည့် အခါ လဝက သွေးနှော စိစစ်နေသောကြောင့် ကြန့်ကြာနေကြောင်း ဖြေကြားပါကြောင်း၊၁၂/ဒဂမ(နိုင်)၊ ၁၂ ဆိုသည်မှာ ရန်ကုန်တိုင်း၊ဒဂုံမြို့သစ်(မြောက်ပိုင်း)မှတ်ပုံတင် မည်သို့ရခဲ့သည်ကို မေးရာ မှတ်ပုံတင်တွင် လက်မှတ် ထိုးသော ဦးစီးမှူး ကို ငွေတစ်သိန်းပေးလိုက်ပြီး ရခဲ့သည်ဟု ပြောပါကြောင်း၊ ထို့ကြောင့် မိမိအနေဖြင့် တိုင်စာ တစ်စောင် အနေဖြင့် ရေးပြီး ယခုမေးခွန်း မမေးခင် တစ်လက ကြိုပို့လိုက်ပါကြောင်း၊လာရောက် စစ်ဆေးကြသည်ဟု ကြားသော်လည်း ဘာမှမဖြစ်ကြ ပါကြောင်း၊

ထို့ကြောင့် အဖေ နိုင်ငံသား၊အမေနိုင်ငံသားက မွေးသည့် လူက ဥပဒေအရ အလို အလျောက် နိုင်ငံသားဖြစ်ရမည့် ကိစ္စများတွင် သွေးနှောပြန်လည် စိစစ်သည်ဟူသော အကြောင်းပြ ချက်ဖြင့် ကြန့်ကြာနေသည့် အတွက် ဝန်ကြီးဌာနက သွေးနှောပြန်လည်စိစစ်ဖို့ ညွှန်ကြားထားခြင်း ရှိ/မရှိနှင့် အကယ်၍ ညွှန်ကြားထားပါက မည်သည့်အတွက်ကြောင့် ညွှန်ကြားထား သည်ကို သိရှိ လိုကြောင်း မေးမြန်းပါသည်။