(ဆ)-သနပ်ပင်မြို့နယ်စစ်တောင်းမြစ်တစ်လျှောက်ရေ ငန်တားတမံနှင့်ရေထိန်းတံခါးများဆောင်ရွက်ရေးအစီ အစဉ်များအားသိလိုခြင်းနှင့်စပ်လျဉ်းသည့်မေးခွန်း
မေးခွန်း အကြောင်းအရာ
စစ်တောင်းမြစ်၏ အနောက်ဘက်ခြမ်းတွင် သနပ်ပင်၊ ဝေါ၊ကဝမြို့နယ်များတွင် နွေစပါးနှင့် ဆောင်းသီးနှံ ပဲမျိုးစုံစိုက်ပျိုး၊ ဖြစ်ထွန်းကြပါကြောင်း၊ပင်လယ်ဒီရေ တက်လာသည့်အတွက် စစ်တောင်းမြစ်ထဲမှ ရေငန်များဝင်ရောက်သည့် အတွက်ကြောင့် စိုက်ပျိုးထားသည့် သီးနှံများ ပျက်စီး သွားပါကြောင်း၊၎င်း ကိစ္စနှင့်ပတ်သက်၍ ဒီရေတက်ချိန်များ တွင် နွေရာသီ မှာ ရေငန်များမဝင်ရန် ချောင်းများ၊ မြောင်းများကို ယာယီရေတံခါးများအစား မြေသားနှင့်ပိတ်ဆို့ထားခြင်းများ ရှိပါကြောင်း၊သို့သော်လည်း ရေငန် တားတမံမရှိ သည့် အတွက် လယ်ကန်သင်းများကို ကျော်၍ ရေငန်များ ဝင်ရောက်ပြီး စိုက်ပျိုးထားသည့် သီးနှံများ ပျက်စီးတတ်ပါကြောင်း၊ ရေငန် တားတမံနှင့် ရေတံခါးများ တည်ဆောက် ပေးမည် ဆိုပါက သနပ်ပင်၊ကဝနှင့်ဝေါမြို့နယ်တို့တွင် လယ်ယာစိုက်ပျိုးရေးကိစ္စ၊ ပဲသီးနှံ စိုက်ပျိုးရေး ကိစ္စများ ပိုမိုဖြစ်ထွန်းမည် ဖြစ်ပါကြောင်း၊ထို့ကြောင့် မိမိမေးမြန်း လိုသည်မှာ ပဲခူးတိုင်းဒေသကြီးအရှေ့ခြမ်း၊သနပ်ပင်မြို့နယ် စစ်တောင်းမြစ်ဝှမ်း တစ်လျှောက်ရေငန်တားတမံနှင့် ရေထိန်းတံခါးများ ဆောင်ရွက်မည့် အစီအစဉ်များအား သိရှိလို ပါကြောင်း မေးမြန်းပါသည်။