မြန်မာ့သမိုင်းကို ကြည်‌့ပါက ၂-၃-၁၉၆၂ ရက်နေ့တွင် ပါလီမန်ဒီမိုကရေစီကိုဖျက်သိမ်းပြီး ဗိုလ်ချုပ်ကြီး နေဝင်းဦးဆောင်သော တော်လှန်ရေးကောင်စီက အာဏာ သိမ်းသည်‌့နေ့ကို တောင်သူလယ်သမားနေ့ဟု သတ်မှတ်ခဲ့ပါကြောင်း၊ တော်လှန်ရေးကောင်စီ အာဏာ ရပြီး တောင်သူလယ်သမားများ၏ အကျိုးစီးပွားကို ဦးထိပ် ပန်ဆင်ဆောင်ရွက်နိုင်မည်ဆိုသော ဆောင်ပုဒ်ရည်ရွယ်ချက်ဖြင့် အာဏာသိမ်းသည်‌့ နေ့ကို တောင်သူလယ်သမားနေ့ဟု သတ်မှတ်ပြီး ဆောင်ရွက်ခဲ့သူများသည် အမှန်တကယ် အကောင် အထည်ဖော် ဆောင် ရွက်နိုင်ခြင်း မရှိခဲ့ပါကြောင်း၊ ကဘောင်း-တူးယား စသည်‌့ တောင်သူလယ်သမားညီလာခံများကို လုပ်ပြီး တောင်သူလယ်သမားများ၏ လိုအပ်ချက်များကို ဖြည်‌့ဆီးပေးရန် ကြိုးပမ်းခဲ့သော်လည်း လက်တွေ့တွင် အောင်မြင်မှုမရခဲ့သဖြင့် ၂၆ နှစ်ကြာ ၁၉၈၈ ခုနှစ် တွင် တောင်သူလယ်သမားများ အပါ အဝင် ပြည်သူများ၏ အုံကြွမှုကိုဖြစ်ပေါ်စေပြီး အစိုးရအုပ်ချုပ်ရေး ယန္တရား ပျက်ယွင်းသွားခဲ့ရပါကြောင်း၊

၁၈-၉-၁၉၈၈ ရက်နေ့တွင် တပ်မတော်က အာဏာသိမ်းယူမှုကို ဒုတိယအကြိမ်ပြုလုပ်ခဲ့ပါကြောင်း၊ သို့ဖြစ်ရာ မတ်လ ၂ ရက်နေ့သည် ပါလီမန်ဒီမိုကရေစီ စနစ်ကို ဖျက်သိမ်းပြီး အာဏာရှင်စနစ်ကို သန္ဓေတည်ရန် စတင်သည့်နေ့ဖြစ်ကြောင်း၊ လယ်သမားများ၏ ဝမ်းစာ၊ မျိုးစပါး၊ လယ်မြေများ ပါ မကျန်သိမ်းယူပြီး လယ်သမားထုကို ဆင်းရဲဒုက္ခတွင်းသို့ ကျရောက်တွန်းပို့ခဲ့သည့် အထိမ်းအမှတ်နေ့တစ်နေ့ဖြစ်ပါကြောင်း၊

ထိုကဲ့သို့နေ့တစ်နေ့ကို တောင်သူလယ်သမားနေ့ဟု သတ်မှတ်ထားခြင်းမှာ ကျေးဇူးရှင် တောင်သူလယ်သမားများအား ဂုဏ်ပြုသတ်မှတ်သည်ဆိုသည်‌့ ရည်ရွယ်ချက်ကင်းမဲ့ပြီး အနှစ်သာရ ပျောက်ဆုံးနေ ပါကြောင်း၊ထို့ကြောင့် မတ်လ ၂ နေ့ အား တောင်သူ လယ်သမားနေ့ဟု သတ်မှတ်ပေးမည်‌့အစား တောင်သူလယ်သမားများ၏ စိတ်ဓာတ် ကို မြှင့်တင်ပေးနိုင် မည်‌့ နေ့တစ်နေ့အား ပြောင်းလဲ သတ်မှတ်ပေးနိုင်ရန် နယ်ချဲ့ဖိနှိပ်မှုအောက်မှ လွတ်မြောက်ရာ ရုန်းကန်တော်လှန်ခဲ့ကြသည်‌့ ဆရာစံ တောင်သူ လယ်သမား အရေးတော်ပုံ၏  အထင်ကရ ရက်နေ့တစ်နေ့အား ရွေးချယ်ပြီး တောင်သူလယ်သမားနေ့အဖြစ် ပြောင်းလဲသတ်မှတ်ပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။