ထန်တလန်မြို့နယ်အတွင်းရှိ နှာရိန်းကျေးရွာသည် ထန်တလန်မြို့နှင့် ၅၃ မိုင်၊ မတူပီမြို့မှ ၅၆ မိုင်၊ ဟားခါးမှ ၇၇ မိုင်ဆီကွာဝေးပြီး ထန်တလန်မတူပီ ဆက်သွယ်ရေးလမ်းပေါ်တွင် တည်ရှိ ပါကြောင်း၊ချင်းပြည်နယ်မြောက်ပိုင်းနှင့် တောင်ပိုင်းဆက်သွယ်ရေးလမ်းကြောင်း ဗဟိုချက်မှပေါ်တွင် တည်ရှိပြီး အိန္ဒိယနယ်စပ်အနီးရှိ ရွာတစ်ရွာလည်းဖြစ်ပါကြောင်း၊ နှာရိန်းကျေးရွာသည် အိမ်ခြေ ၄၀၀ ၊လူဦးရေ ၂၀၀၀ ကျော်နေထိုင်သည့် ရွာဖြစ်ပါကြောင်း၊ အနီးရှိကျေးရွာများနှင့် ပေါင်းပါက လူဦးရေ ၁၂၀၀၀ ကျော် နေထိုင်သည့်ဒေသဖြစ်ပါကြောင်း၊ အုပ်ချုပ်ရေး၊ စီမံခန့်ခွဲရေးနှင့် ဖွံ့ဖြိုးတိုး တက်ရေး၊လုံခြုံရေးကိစ္စများ ကိုဆောင်ရွက်ရာတွင် အခက်အခဲများစွာကြုံတွေ့နေရပါကြောင်း၊ နှာရိန်း ပတ်ဝန်းကျင်တွင်ရှိသော လောက်သူးလူမျိုးနွယ်စုနှင့် မှာတာလူမျိုးနွယ်စု တို့နေထိုင် သည့် ရွာပေါင်း ၁၈ ရွာ၊ လူဦးရေ၁၂၀၀၀ ကျော် နေထိုင်သည့် အဆိုပါ ၁၈ ရွာအနက် အချက်အခြာအကျဆုံး ရွာတစ်ရွာလေးဖြစ်ပါကြောင်း၊ နှာရိန်းရွာကို မြို့အဖြစ် တိုးမြှင့်ပေးပါက ကျန်းမာရေး၊ ပညာရေး၊ စီးပွားရေးနှင့် လူနေမှုအဆင့်အတန်း မြင့်မားရေး တို့အတွက် အထောက်အကူများစွာပြုမည်ဖြစ်ပါကြောင်း၊

နှာရိန်းရွာတွင် အစိုးရမူလတန်းကျောင်းနှင့်အထက်တန်းကျောင်းတစ်ကျောင်းစီ၊ တိုက်နယ်ဆေးရုံ၊ အစိုးရ မီးသတ်ရုံး၊ စာတိုက်အဆင့်ခြောက်ရုံး၊ IP Star ရုံး စသည်‌့အစိုးရဌာနများလည်း ဖွင့်လှစ် ထားပြီး ဖြစ်ပါကြောင်း၊ကိုယ်ထူကိုယ်ထမိဘမဲ့ဂေဟာမူကြိုကျောင်းသုံးကျောင်း၊ခရစ်ယာန်အသင်းချုပ်ရုံး၊ရိုမင်ကတ် သလစ်အသင်း ချုပ်ရုံးများလည်းရှိပါကြောင်း၊မြို့အဖြစ် တိုးမြှင့်ပေးနိုင်ခြင်း အတွက် သက်ဆိုင်ရာသို့ အဆင့်ဆင့်တင်ပြထားပြီး ဖြစ်ပါကြောင်း၊ သို့ဖြစ်ပါ၍ ထန်တလန်မြို့နယ်ရှိ နှာရိန်းကျေးရွာအား မြို့အဖြစ်သတ်မှတ်ပေးပါရန် အစီအစဉ်ရှိ/မရှိ သိရှိလို ပါကြောင်းမေးမြန်း ပါသည်။