လေရှီး-ထမံသီလမ်းပိုင်းသည် ယခင် မဆလခေတ်က ဖောက်လုပ်ခဲ့သည့် လမ်းဖြစ်ပြီး ၄၁ မိုင်ရှိပါကြောင်း၊ လေရှီး-ထမံသီလမ်းပိုင်းကို ဖောက်လုပ်ခဲ့သည်မှာ ယခုဆိုလျှင် နှစ်ပေါင်း ၅၀ ကျော်နေပြီဖြစ်သော် လည်း ယနေ့အချိန်ထိ ရာသီမရွေးသွားလာနိုင်သော လမ်းဖြစ်မလာပါကြောင်း၊အတက်အဆင်း၊အကွေ့အကောက်များ လွန်းသည့်ခြင်းနှင့် မိုးရေတိုက် စားခြင်းကြောင့် နှစ် စဉ်ပြင်ဆင်စရိတ် အကုန်အကျများနေခြင်းများကို တွေ့ရှိရပါကြောင်း၊ ဒေသခံများက လမ်းအူကြောင်းအသစ် ရှာဖွေပြီး တင်ပြ ခဲ့သော်လည်း ယခင်အဆက်ဆက် ဆောက်လုပ်ရေးဌာနက လမ်းကြောင်း အသစ် ဖောက်လုပ်ရန် စိတ်မဝင်စားခဲ့ကြပါကြောင်း၊ လမ်းကြောင်းကောင်းသွားခဲ့ပါက ပြင်ဆင်စရိတ်ရရှိမည် မဟုတ်တော့ ပါကြောင်း၊ လမ်းကြောင်းကောင်း ဖို့ထက် ပြင်ဆင် စရိတ်မကြာခဏ ရရှိရန်ကို ပိုအလေးပေးခဲ့ခြင်းကြောင့် ကောင်းမွန်သည့်လမ်းကြောင်းကို ဖောက်လုပ်ခဲ့ခြင်းမရှိပါကြောင်း၊

လေရှီး-ဆွမ္မရာလမ်းပိုင်းကို နအဖခေတ်တွင် စစ်ဆင်ရေးလမ်းကြောင်းအတွက် ရိက္ခာသယ်ရန် အဓိကရည်ရွယ်ပြီး ဖောက်လုပ်ခဲ့သည့် လမ်းဖြစ်ပါသောကြောင့် ဒေသခံများက လမ်းအူကြောင်းသစ် ရှာပေးခဲ့သော်လည်း ဖောက်လုပ်ခွင့်မရရှိခဲ့ပါကြောင်း၊ ထို့ကြောင့် ကြမ်းတမ်းသည့် တောင်တက်တောင် ဆင်းများ များလွန်းသည့်အတွက်ကြောင့် အန္တရာယ်များပြီး မကြာခဏ မတော်တဆမှုများ ဖြစ်နေသည်ကို တွေ့ရှိရပါကြောင်း၊ လေရှီး-ထမံသီလမ်းကြား ၂၄ မိုင် ၆ ဖာလုံက ဆုံကင်းကျေးရွာ ၃၁ မိုင်အထိ လမ်းလွှဲရမည့် နေရာဖြစ်ပါကြောင်း၊ ၎င်းလမ်းအပိုင်းသည် ဆိုးသွမ်းလွန်းသည့်အတွက်ကြောင့် လေရှီး-ထမံသီလမ်းနှင့် လေရှီး-ဆွမ္မရာလမ်းပေါ်ရှိ မိုင်ပေါင်း ၃၀ ခန့်အား လမ်းကြောင်းအသစ် ဖောက်လုပ်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။