ဘူးသီးတောင်-မောင်တောဒေသသည် အိမ်နီးချင်း ဘင်္ဂလားဒေ့ရှ်နိုင်ငံနှင့် နယ်နိမိတ်ချင်း ထိစပ်နေပြီး လူဦးရေ ထူထပ်သိပ်သည်း များပြားခြင်း၊လူဦးရေ တိုးပွားနှုန်းမြင့် တက်ခြင်း၊ကလေးမွေး ဖွားနှုန်း မြင့်မားခြင်း၊မိခင်နှင့် ကလေး သေဆုံးမှုမြင့်မားခြင်း၊ ပြောင်းရွှေ့နေထိုင်မှုနှုန်း မြင့်မားခြင်း၊ သယံဇာတအရင်းအမြစ်များ အချိုးညီမျှမှုမရှိခြင်း၊လူမှုစီးပွား အညွှန်းကိန်းများ နိမ့်ကျခြင်း၊ စားနပ်ရိက္ခာဖူလုံမှု မရှိခြင်းတို့ကြောင့် နိုင်ငံတကာအဖွဲ့အစည်းများ ကူညီဆောင်ရွက်လျက် ရှိနေ သည်မှာ နှစ်ပေါင်း ၂၀ ကျော်နေပြီဖြစ်သော်လည်း မည်သို့မျှ အရာ မထင်ဖြစ်နေ ပါကြောင်း၊ မောင်တောမြို့နယ်တွင် လူဦးရေ ၅၂၀၀၀၀ ကျော်ရှိသည်ထဲမှ တိုင်းရင်းသားလူဦးရေ ၄၉၀၀၀ သာရှိပြီး ဘူးသီးတောင်မြို့နယ်တွင် လူဦးရေ ၃၄၀၀၀၀ ကျော်ရှိသည်ထဲမှ တိုင်းရင်းသား လူဦးရေ ၅၅၀၀၀ ကျော်သာရှိပါကြောင်း၊ ကျန်းမာရေးဌာန၏ ခန့်မှန်းခြေစာရင်းအရ နှစ်စဉ်တိုင်းရင်းသား လူဦးရေတိုးပွားနှုန်း ဝ.၆ ရာခိုင်နှုန်း သာရှိပြီး ဘင်္ဂါလီများမှာ ၃.၅ ရာခိုင်နှုန်းတိုးပွားလျက် ရှိနေပါကြောင်း။

လစဉ်မွေးဖွားနှုန်းတွင် တိုင်းရင်းသား ၆ ဦးတွင် ဘင်္ဂါလီ ၈၅ ဦးမွေးဖွားလျက်ရှိပါကြောင်း၊ ရခိုင်ပြည်နယ် ပဋိပက္ခစုံစမ်းစစ်ဆေးရေး အစီရင်ခံစာ အခန်း(၁၂)၊ ပုဒ်မ ၂၇၊ ၂၈ တို့တွင် မိသားစုသားဆက်ခြား စီမံကိန်း ပြုလုပ်သင့်ကြောင်းနှင့် တစ်လင်တစ်မယားစနစ် ကျင့် သုံးခြင်းဖြင့် လူဦးရေထိန်းညှိရန် လိုအပ်ကြောင်း အကြံပြုရေးသားထားသည်ကို တွေ့ရပါကြောင်း၊ မည်သည့် လူ့အဖွဲ့အစည်းတွင်မဆို ကလေး များများရယူခြင်းသည် ကျန်းမာခြင်း၊ ပညာရေးနှင့် လူမှုရေးများတွင် မလိုလားအပ်သော အကျိုးသက်ရောက်မှု များ ဖြစ်ပေါ်လာနိုင်ပါကြောင်း။

သို့ဖြစ်ပါ၍ လူဦးရေတိုးပွားနှုန်းထိန်းညှိခြင်းဆိုင်ရာ ကျန်းမာရေးစောင့်ရှောက်မှုဥပဒေ အခန်း(၂)ပါ ရည်ရွယ်ချက်များဖြစ်သော (၁) နိုင်ငံတော်အတွင်း ဆင်းရဲနွမ်းပါးမှုလျှော့ချပြီး လူနေမှုဘဝ မြင့်မားလာစေရေးအတွက် အထောက်အကူပြုစေရန်၊ (၂) အရည် အသွေး ပြည့်မီသော ကျန်းမာရေး စောင့်ရှောက်မှုများကို လုံလောက်စွာရရှိစေရန်၊ (၃) မိခင်နှင့် ကလေးများ၏ ကျန်းမာရေး ဖွံ့ဖြိုးတိုးတက်စေရေးတို့ကို ဦးတည်၍ လူဦးရေတိုးပွားနှုန်းကို ထိန်းညှိခြင်းဆိုင်ရာ ကျန်းမာရေးစောင့်ရှောက်မှု လုပ်ငန်းများကို ထိရောက် စွာ ဆောင်ရွက်ပေးနိုင်ရန်အတွက် ကျန်းမာရေးစောင့်ရှောက်မှု ဆောင်ရွက် မည့်ဒေသအဖြစ် သတ်မှတ်ပေးပါရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။