(င)-မိုင်းညှင်းဒေသရှိ မိုင်းညှင်း၊ ဟုတ်ပုံ၊ ဝမ်ပင်း၊ ဝမ်အွမ်နှင့်ပါပွန်းကျေးရွာအုပ်စု အနောက်ဘက်ခြမ်းတွင် မြန်မာ့ဆက်သွယ်ရေး (MPT-GSM) ဖုန်းများအသုံးပြုခွင့် ရရှိရန်ဆောင်ရွက် ပေးမည့် အစီအစဉ်များကို သိလိုခြင်းနှင့် စပ်လျဉ်းသည့် မေးခွန်း
မိုင်းခတ်မြို့နယ်တစ်မြို့နယ်လုံးတွင် MPT တာဝါတိုင်နှစ်တိုင်သာရှိသည့် အတွက် မိုင်းခတ်မြို့အနီး ပတ်ဝန်းကျင်တွင် ဖုန်းအဆက်အသွယ်ပြောဆိုရာတွင် လွယ်ကူသော်လည်း၊ မိုင် ၂၀ ရှိတွင်ရှိသည့် မိုင်းညှင်းဒေသတွင် ဖုန်းပြော၍ မရဖြစ်နေပါကြောင်း၊ မိုင်းညှင်းဒေသတွင် ကျေးရွာအုပ်စုငါးခု ရှိပါကြောင်း၊ ၎င်းကျေးရွာအုပ်စုငါးခုတွင် မိုင်းခတ်တစ်မြို့နယ်လုံး၏လူဦးရေ ငါးပုံနှစ်ပုံရှိပါကြောင်း၊ မိုင်းညှင်းဒေသတွင် တာဝန်ထမ်းဆောင်နေသောဝန်ထမ်းများသည် မြန်မာပြည်အနှံ့မှ ရောက်ရှိလာ သော ဝန်ထမ်းများဖြစ်ကြပါကြောင်း၊ လမ်းပန်းဆက်သွယ်ရေးအခက်အခဲရှိသည့် အတွက် မိုင်းခတ် မြို့နယ်သို့ သွားလိုပါက ပွင့်လင်းရာသီတွင် သွားရပါကြောင်း၊ မိုးတွင်းတွင် ဘယ်လိုမှသွား၍ မရသော လမ်း ဖြစ်ပါကြောင်း၊ ထို့ကြောင့် ဝေးလံခေါင်သီဒေသတွင် အထူးလိုအပ်နေသော မြန်မာ့ဆက်သွယ် ရေး MPT သို့မဟုတ် GSM လက်ကိုင်ဖုန်းများ အသုံးပြုနိုင်ရေး အတွက် တာဝါတိုင် နိုင်ငံတော်အစိုးရမှ ဆောင်ရွက်ပေးရန် အစီအစဉ်ရှိ/မရှိနှင့် အစီအစဉ်ရှိပါက မည်သည့်ကာလတွင် ဆောင်ရွက်ပေးမည် ကိုလည်းကောင်း၊ အစီအစဉ်မရှိပါက မည်သည့် အတွက်ကြောင့် ဆောင်ရွက်မပေးနိုင်ဘူးဆိုသည်ကို သိလိုပါကြောင်း ဖြင့်မေးမြန်းပါသည်။