၃၁-၁-၂၀၁၄ ရက်နေ့တွင်ပြုလုပ်သော နိုင်ငံတော်သမ္မတကြီး၏ ကျန်းမာရေး ကဏ္ဍမြှင့်တင် ဆောင်ရွက်ရေး ဆိုင်ရာ ဆွေးနွေးပွဲတွင် နိုင်ငံတော်သမ္မတကြီးက မိမိတို့၏ ကျန်းမာရေးမျှော်မှန်းချက်သည် ကျန်းမာ သန်စွမ်း သော Health Nation ဖြစ်ရန် ဖြစ်သည့်အတွက် လူတိုင်းကျန်းမာပြီး သက်တမ်းစေ့နေနိုင်ရန် ဖြစ်ပါကြောင်း၊ နိုင်ငံတစ်နိုင်ငံ၏ ကျန်းမာရေးအဆင့်အတန်းကို လူသက်တမ်းများ နိမ့်ခြင်း၊ မြင့်ခြင်းနှင့်  ကျန်းမာရေးမူဝါဒ ငွေကြေးသုံးစွဲမှု၊ လက်တွေ့အကောင်အထည်ဖော် ဆောင်ရွက်မှု၊ နိုင်ငံသားတိုင်း လက်လှမ်းမီနိုင်သော ကျန်းမာရေးစနစ် Universl Health Coverage စသည်တို့ကိုကြည့်ပြီး ဆုံးဖြတ်ခြင်းဖြစ်သည့်အတွက် ထိုအချက် များကို အဓိကထား မြှင့်တင်ရမည်ဖြစ်ပါကြောင်းကို လမ်းညွှန်မှာကြားခဲ့ပါကြောင်း၊

 ၁၉-၆-၂၀၁၄ ရက်နေ့တွင် ပြုလုပ်သော ဒုတိယ အကြိမ် ကျန်းမာရေးကဏ္ဍ မြှင့်တင်ဆောင်ရွက်ရေး အစည်းအဝေးတွင် နိုင်ငံတော်သမ္မတကြီးက မြန်မာ နိုင်ငံတွင် လူတိုင်းလက်လှမ်းမီသည့် သာတူညီမျ ကျန်းမာရေးလွှမ်းခြုံစနစ်ကို ကမ္ဘာ့ဘဏ်မှ နည်းပညာ၊ ငွေကြေးအကူအညီတို့ဖြင့် အစပျိုးဆောင်ရွက်ရန် နိုင်ငံတော်အစိုးရမှ စီစဉ်ဆောင်ရွက်ပေးပြီးဖြစ်ပါကြောင်း။ ပြည်သူအားလုံး ကျန်းမာရေးစောင့်ရှောက်မှု လိုအပ်သည့်အချိန်တွင် ငွေကြေး တစ်စုံတရာ ဝန်ထုပ်ဝန်ပိုးမဖြစ်စေဘဲ လွယ်ကူလျင်မြန်စွာရရှိနိုင်ရေး ကြိုးပမ်းမည့်စနစ်ဖြစ်ပါကြောင်း ထိုစနစ်ကို သုံးစွဲခြင်းဖြင့် ကျန်းမာရေးစောင့်ရှောက်မှုခံယူသူ ပြည်သူလူထု အားလုံး၏ ကျန်းမာရေးအဆင်‌့အတန်းကိုလည်း တိုးတက်မြင့်မားလာစေမည်ဖြစ်ပါကြောင်းစသည်များကို လမ်းညွှန်မှာကြားခဲ့ပါကြောင်း။ သို့ဖြစ်ပါ၍ ကျန်းမာရေးဝန်ကြီးဌာနအပါအဝင် အုပ်ချုပ်ရေးကဏ္ဍရှိ သက်ဆိုင်သည့်ဝန်ကြီးဌာနအဖွဲ့အစည်းများ အနေဖြင့် လက်တွေ့ဆောင်ရွက်ပြီးစီးမှုအခြေအနေနှင့် တစ်နိုင်ငံလုံး မည်သည့်ကာလတွင် လွှမ်းခြုံ ပြီးစီးနိုင်မည်ကို သိရှိလိုပါသဖြင့် ဖြေကြားပေးနိုင်ပါရန် မေးမြန်းပါသည်။