(ဂ)-တမူးခရိုင်ရှိ အလှော်၊ ပွတ်သာနှင့် ခမိတ်ကျေး ရွာ ဆိုလာမီးရရှိရေး၊ မြို့သစ်-ရွာသာ-မွေလင်း-တုံး မန-ထုံကတင်-နောင်ကက်ရွာရှိပေ(၁၀၀)သစ်သား တံတားနှင့်ထုံကတင်ရွာအနီးရှိကသဲအင်းပေ(၈၀) တံတား (၂)စင်းတို့အား စီမံဆောင်ရွက်ပေးရန်နှင့် စပ်လျဉ်းသည့် မေးခွန်း
2020-12-16
တမူးခရိုင်အတွင်း ၂၀၁၅ ခုနှစ် ဇူလိုင်လအတွင်း ရေကြီး ရေလျှံမှုကြောင့် ရွာလုံးကျွတ်ရေနစ်မြှုပ်သဖြင့် အလှော်ကျေးရွာ၊ 
ပွတ်သာကျေးရွာနှင့် ခမိတ်ကျေးရွာ များသည် ကျေးရွာများပြောင်းရွှေ့ကြမည့် အနေအထားရှိပြီး အလှော်နှင့် ပွတ်သာကျေးရွာများရှိ တိုင်းဒေသကြီးအစိုးရမှပေးသော ဆိုလာမီး များအားလုံး ပျက်စီးခဲ့ကြရပါကြောင်း၊ ထို့ကြောင့် အဆိုပါအလှော်ကျေးရွာ၊ ပွတ်သာကျေးရွာ နှင့် ခမိတ်ကျေးရွာ ဆိုလာမီးရရှိနိုင်ရေးများအတွက် မည်သို့စီမံဆောင်ရွက်ပေးမည်ကို သိရှိလိုပါကြောင်း၊ ထို့ပြင် မြို့သစ်-ရွာသာ-မွေလင်း-တုံးမန-ထုံကလင်-နောင်ကတ်ရွာ- မွေသားလမ်းပေါ်ရှိ ပေ ၁၀၀ ရှိ သစ်သားတံတားတစ်စင်းနှင့် ထုံကလင်ကျေးရွာ အနီးရှိ ကသဲအင်းတံတား ပေ ၈၀ တံတား ပျက်စီးသွားခဲ့ခြင်းနှင့်စပ်လျဉ်း၍ မည်သို့စီမံဆောင်ရွက်ပေးမည်ကို သိရှိလိုပါကြောင်း မေးမြန်းပါသည်။