(က)-မြန်မာနိုင်ငံ၏ကုန်သွယ်မှုကဏ္ဍတွင်ကုန်သွယ် မှုလိုငွေများပြားနေခြင်းအားလျော့ကျမှုရှိအောင်မည် သို့ အစီအမံများ ချမှတ်ထားသည်ကို သိလိုခြင်းနှင့် စပ်လျဉ်းသည့် မေးခွန်း
၂၀၁၄-၁၅ ဘဏ္ဍာနှစ်တွင် ပို့ကုန်တင်ပို့မှုထက် သွင်းကုန်တင်ပို့မှုက များပြားနေသဖြင့် ကုန်သွယ်မှု လိုငွေပြမှုတွင် ယခင် ဘဏ္ဍာနှစ်များထက် ပိုမိုများပြားနိုင်ကြောင်း စီးပွားရေးနှင့် ကုန်သွယ်ရေးဆိုင်ရာ စာရင်းများမှ ပြသနေကြောင်း သိရှိရပါသည်။ ယခုလက်ရှိ ဘဏ္ဍာနှစ် ဧပြီလ ၁ ရက်နေ့မှ စက်တင်ဘာလ ၁၂ ရက်နေ့ထိ မြန်မာနိုင်ငံ၏ ကုန်သွယ်မှုပမာဏ အမေရိကန်ဒေါ်လာ ၁၂၃၃၂.၆၆ သန်းနှင့် ပို့ကုန်ပမာဏ ၄၉၆၅.၇၆ သန်းဖြစ်ပြီး သွင်းကုန်ပမာဏမှာ ၇၃၆၆.၉၃၇ သန်းပါဝင်သဖြင့် ကုန်သွယ်မှု လိုငွေမှာ ဒေါ်လာ ၁၂၀၁.၂၁ သန်း၊ ဒေါ်လာ ၂.၄ ဘီလီယံခန့်ရှိကြောင်း သိရပါသည်။ ၎င်း ပမာဏနှင့်ဆိုရင် ၂၀၁၄-၁၅ ဘဏ္ဍာနှစ် တစ်ခုလုံး ပိုမိုများပြားလာနိုင်ပါကြောင်း၊ အမေရိကန်ဒေါ်လာနှင့် မြန်မာကျပ်ငွေ လဲလှယ်မှုနှုန်းသည် ယခင်က တစ်ဒေါ်လာကို ၉၅၀ ကျပ်ဖြင့် အချိန်တော်တော်ကြာပြင်ခဲ့ရာမှ ယခုအခါ ၁၀၈၀ အထိ ရုတ်တရတ် တတ်လာသည်ကို တွေ့ရပါကြောင်း၊
သို့ဖြစ်ပါ၍ ၎င်း ကိစ္စကို အချိန်မီ မထိန်းချုပ်ပါက ဒီ့ထက်ပိုပြီး ပြဿနာများဖြစ်ပွားနိုင် သည်ဟုယူဆပါသဖြင့် မေးမြန်းလိုသော မေးခွန်းမှာ (၁) မည်သည့်ကဏ္ဍများမှ ပို့ကုန်ကဏ္ဍတွင် အဓိကအဖြစ် ပါဝင်နေပြီး မည်သည့်ကဏ္ဍများက သွင်းကုန်ကဏ္ဍတွင် အဓိကဖြစ်နေပါသနည်း။ (၂) ဤကဲ့သို့ ကုန်သွယ်မှုလိုငွေ များပြားနေခြင်းကို လျော့ချမှုရှိအောင် နိုင်ငံတော်မှ မည်ကဲ့သို့သော အစီအမံများ ချထားသည်ကို သိရှိလိုပါကြောင်း မေးမြန်းပါသည်။