လွှတ်တော်မှ  ပြည်သူလူထု ကျန်းမာရေးစောင့်ရှောက်မှုအပေါ်တွင်  တစ်နှစ်ထက် တစ်နှစ် ပိုမိုကောင်းမွန်သော ကျန်းမာရေးစောင့်ရှောက်မှုတွေရရန်အတွက်  ပြည်ထောင်စုလွှတ်တော်၏ နှစ်စဉ်အသုံး စရိတ်များ ခွင့်ပြုပေးနေပါကြောင်း၊ ကျန်းမာရေးဝန်ကြီးဌာန၏ အသုံးစရိတ်များ ဘဏ္ဍာရေးနှစ် အလိုက် ခွဲဝေရရှိမှုအပေါ် ပြန်လည်တင်ပြရမည်ဆိုပါက ၂၀၀၅-၂၀၀၆ ဘဏ္ဍာရေးနှစ် တွင် ပြုပြင်ပြီးခန့်မှန်းခြေပေါင်း ၂၀.၄ ရှိပြီး ၂၀၀၉-၁၀ ဘဏ္ဍာရေးနှစ်တွင် ကျပ်ဘီလီယံပေါင်း ၅၇.၁ သာရှိခဲ့ရာမှ လွှတ်တော်ပေါ်ပေါက်လာပြီးနောက် ၂၀၁၀-၁၁ ဘဏ္ဍာရေးနှစ်တွင် ပြုပြင်ပြီး ခန့်မှန်းကျပ်ဘီလီယံပေါင်း ၇၈.၄၊ ၂၀၁၁-၂၀၁၂ ဘဏ္ဍာရေးနှစ်မှာ ၉၂၊ ၂၀၁၂-၂၀၁၃ ဘဏ္ဍာရေးနှစ်မှာ ၄၀၀.၇၊ ၂၀၁၃-၂၀၁၄ ဘဏ္ဍာရေးနှစ်တွင် ကျပ်ဘီလီယံပေါင်း ၅၂၈.၅နှင့် ၂၀၁၄-၂၀၁၅ ဘဏ္ဍာရေးနှစ် တွင် ပြုပြင် ပြီး ခန့်မှန်း‌ွခေအသုံးစရိတ် ကျပ်ဘီလီယံပေါင်း ၇၀၈.၉ အထိ နှစ်စဉ်တိုးမြှင့်ခွင့်ပြုငွေ ချပေးခဲ့ခြင်းဖြစ်ပါကြောင်း၊  ထိုသို့ ခွင့်ပြုငွေချပေးခဲ့ခြင်းအပေါ် ကျန်းမာရေးဝန်ကြီး ဌာနအနေဖြင့် သက်ဆိုင် ရာဦးစီးဌာနများအလိုက် လိုအပ်ချက်များအပေါ်မူတည်ပြီး ခွဲဝေချထား ပေးခဲ့ခြင်းဖြစ်ပါကြောင်း၊ ပြည်သူလူထု ကျန်းမာရေးစောင်‌့ရှောက်မှု ပေးသည့်နေရာတွင် အဓိကလုပ်ငန်းကြီးလေးခုဖြစ်သော ကျန်းမာရေးမြှင့်တင်မှုလုပ်ငန်း ၊ ရောဂါကာကွယ် ထိန်းချုပ်ရေးလုပ်ငန်း ၊ ရောဂါကုသရေးလုပ်ငန်းနှင့် ပြန်လည်ထူထောင်ရေးလုပ်ငန်းများတွင် ကဏ္ဍအလိုက်၊ ဘဏ္ဍာရေးနှစ် အလိုက် ဘဏ္ဍာငွေခွဲဝေသုံးစွဲမှုကို သိရှိလိုပါကြောင်းမေမြန်းပါသည်။