မောက်မယ်မြို့နယ်အတွင်းရှိ အ.မ.ကကုန်းလမ်း(မူလွန်)၊ အ.မ.က(နားသဲ)၊ အ.မ.က(နားဟီး)၊ အ.မ.က (နောင်ခမ်း) နှင့် အ.မ.က(ပုန်းလော) ကျောင်း(၅)ကျောင်းတို့သည် ဆောက်လုပ်ပြီးစီးသည့်သက်တမ်း ကြာမြင့်ပြီဖြစ်ခြင်း၊ စတင်ဆောက်လုပ်စဉ်က အဆောက်အဦ ရုပ်ပိုင်းဆိုင်ရာစံချိန်စံညွှန်းများ ကိုက်ညီမှုမရှိခြင်း၊ သဘာဝဘေးဒဏ်အန္တရာယ်အားနည်းခြင်းတို့ကြောင့် ယနေ့အချိန်တွင် ကြံ့ခိုင်မှုနှင့် ဥပဓိရုပ်ပေါ်လွင် ခြင်းမရှိပါသောကြောင့် ပြည်ထောင်စုလွှတ်တော် ဖွံ့ဖြိုးရေးရန်ပုံငွေဖြင့် မွမ်းမံပါသော်လည်း ယာယီအခိုက် အတန့်သာ ဖြေရှင်းနိုင်သောနည်းလမ်း ဖြစ်နေပါသည်။ သို့ဖြစ်ပါ၍ တင်ပြပါကျောင်း(၅)ကျောင်းအား အသစ်ဆောက်လုပ်ပေးနိုင်မည့် အစီအစဉ်များကို သိရှိလိုပါကြောင်းနှင့် မည်သည့် ဘဏ္ဍာရေးနှစ်တွင် ဆောင်ရွက်ပေးနိုင်မည်ကိုလည်း သိရှိလိုပါကြောင်း မေးမြန်းပါသည်။