(ဈ)-ရသေ့တောင်မြို့နယ်၊ မြို့မ အမက(၁)ကျောင်း အဟောင်းအား ဖျက်သိမ်း၍ ၂၀၁၅-၂၀၁၆ ပညာသင်နှစ်တွင် ကျောင်းဆောင်အသစ် ဆောက်လုပ်ပေးရန် အစီအစဉ်ရှိ၊ မရှိ နှင့်စပ်လျဉ်းသည့် မေးခွန်း
2020-12-16
ရခိုင်ပြည်နယ်၊ ရသေ့တောင်မြို့ပေါ်ရှိ မြို့မအမှတ်(၁)အခြေခံပညာ မူလတန်းကျောင်းကို UNDP အကူအညီဖြင့် ၁၉၉၆ ခုနှစ်တွင် ကျောင်းဆောင်သစ်ဆောက်လုပ်ပြီး ပညာသင်ကြားခဲ့ပါသည်။ စာသင်နှစ်ကာလအတွင်း ကျောင်းဆောင်နှင့် ကျောင်းသားဦးရေ မျှတမှုမရှိသည့်အတွက်ကြောင့် ၂၀၀၆ ခုနှစ် မိဘများထည့်ဝင်ငွေဖြင့် သွပ်မိုး၊ ပလပ်စတစ်ကာ၊ မြေသားဖောင်ဒေးရှင်းဖြင့် နှစ်ထပ်ကျောင်းဆောင် ဆောက်လုပ်ပြီး ပညာသင်ကြားခဲ့ရပါကြောင်း၊ UNDP အထောက်အပံ့ဖြင့် ဆောက်လုပ်ခဲ့သည့် ကျောင်းဆောင်မှာ နှစ်များကြာမြင့်ပြီ ဖြစ်သည့်အတွက် ကျောင်းဥပဓိရုပ် မကောင်းခြင်းနှင့် ကျောင်းသားများအတွက် အန္တရာယ်ရှိခြင်းကြောင့် ၂၀၁၅-၂၀၁၆ ပညာသင်နှစ်တွင် ရသေ့တောင်မြို့ရှိ မြို့မအမှတ်(၁) အခြေခံပညာမူလတန်း ကျောင်းအားဖျက်သိမ်းပြီး ကျောင်းဆောင်သစ်ဆောက်လုပ်ပေးရန် အစီအစဉ်ရှိ/မရှိ မေးမြန်းပါသည်။