(ဂ)-ကနီမြို့နယ်၊ ယင်းကျေးရွာနှင့် ကျောက်လှေကားရွာအကြား ပျက်စီးသွားသော ချင်းတွင်းမြစ်ရေလျှံတားတမံအား မြေသားတမံတည်ဆောက်ပေးရန် အစီအစဉ် ရှိ၊မရှိ နှင့်စပ်လျဉ်းသည့် မေးခွန်း
2020-12-16
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ကနီမြို့နယ်ရှိ ယင်းကျေးရွာနှင့် ကျောက်လှေကားကျေးရွာကြားတွင် ယခင်အစိုးရလက်ထက်က အလျား ၁ မိုင်ခန့်၊ အကျယ် ၉ ပေ၊ အမြင့် ၆ ပေရှိတဲ့ ချင်းတွင်းမြစ် ရေလျှံတားတမံကို တည်ဆောက်ပေးခဲ့သည့်အတွက် တောင်သူများ အဆင်ပြေခဲ့ကြပါကြောင်း၊ ယခုအချိန်တွင် တမံ၏ အလျားပေ ၇၀၀ ခန့်မှာ ကျိုးပျက်နေပြီဖြစ်ရာ ပြန်လည်ပြင်ဆင်ပေးနိုင်ပါက ဧက ၄၀၀ ခန့်ရှိသော နှမ်း၊ စပါး စိုက်ပျိုးဧကများ၊ ရေနစ်မြှုပ်မှုမှ ကာကွယ်ပေးနိုင်မည်ဖြစ်ပါကြောင်း၊ သို့ဖြစ်ပါ၍ ကျိုးပျက်သွားသောအလျားပေ ၇၀၀ ခန့်ကို ပြန်လည်ပြင်ဆင်ပေးနိုင်ခြင်းရှိ/မရှိ သိရှိလိုကြောင်း မေးမြန်းပါသည်။