(ဃ)-ရွှေပြည်သာမြို့နယ်အတွင်းရှိ မြေသားလမ်းများနှင့် ကတ္တရာလမ်းများကို ခင်းကျင်း ပြင်ဆင်ပေးရန် အစီအစဉ် ရှိ၊မရှိ နှင့်စပ်လျဉ်းသည့် မေးခွန်း
ရန်ကုန်တိုင်းဒေသကြီး၊ ရွှေပြည်သာမြို့နယ် ရန်ကုန်မြို့တော်စည်ပင်သာယာရေး နယ်မြေအတွင်းရှိ ၁၉၈၈ ခုနှစ်ဝန်းကျင်တွင် စတင်တည်ထောင်ခဲ့သော ရပ်ကွက်/ကျေးရွာ ၂၇ ခု၊ လူဦးရေသုံးသိန်းခန့်နေထိုင်သော မြို့နယ်ဖြစ်ပြီး မြို့နယ်အတွင်း လမ်းပေါင်း ၅၀၄ လမ်းကျော် ဖြစ်ပြီး ၂၅ နှစ်အတွင်း နိုင်ငံတော်အဆင့်၊ တိုင်းဒေသကြီးအဆင့် တာဝန်ရှိသူများသို့ အကြိမ်ကြိမ်တင်ပြခဲ့ပါသော်လည်း ပြီးစီးခဲ့မှု၊ အောင်မြင်ခဲ့မှုမရှိဘဲ ၂၅ နှစ်သို့ ရောက်ရှိခဲ့ပြီးဖြစ်ပါသည်။
သို့ဖြစ်ပါ၍ ရန်ကုန်တိုင်းဒေသကြီး၊ စည်ပင်သာယာနယ်နိမိတ်အတွင်း တည်ရှိသော ရွှေပြည်သာမြို့နယ် အတွင်းရှိ လုပ်သားပြည်သူများ၏ အဓိကအတောင့်တဆုံး၊ အလိုအပ်ဆုံးဖြစ်သော မြေသားလမ်းများ ပျက်စီးနေသည့် ကတ္တရာလမ်းများကို ခင်းကျင်းပြင်ဆင်ပေးရန် အစီအစဉ် ရှိ/မရှိနှင့် အစီအစဉ်ရှိပါက မည်သည့်ကာလတွင် အပြီးဆောင်ရွက်ပေးနိုင်မည်ကို သိရှိလိုကြောင်း မေးမြန်းပါသည်။