မြို့နယ်ဆရာဝန်ကြီးများအနေဖြင့် ပြင်ပ လူနာဌာနတွင်လာရောက်ပြသသောလူနာများ အား ဆေးဝါး ကုသ ပေးခြင်း၊ မီးဖွားပေးရခြင်း၊ ခွဲစိတ်ပေးရခြင်း မိခင်နှင့် ကလေးများ အတွက် စောင့်ရှောက်ပေးရခြင်းတို့အပြင် အထက်အဆင့် လွှဲပြောင်းပေးခြင်း စီမံချက် ၊ ဆေးရုံလုပ်ငန်း စီမံချက်များ၊ မိသားစုကျန်းမာရေး၊ အာဟာရ ဖွံ့ဖြိုးရေး၊  တိုးချဲ့ ကာ ကွယ်ဆေးထိုးလုပ်ငန်း စီမံချက်များ၊ ရောဂါနှိမ်နှင်းရေး၊ ငှက်ဖျားရောဂါ တိုက်ဖျက်ရေး ၊ နှလုံးသွေးကြောရောဂါ ထိန်းသိမ်းရေး၊ ထိခိုက်မှုအန္တရာယ် ကာကွယ်ရေးစီမံ ချက်များနှင့်   ဖောက်သည် စာရင်းများကို နေ့စဉ်၊ လစဉ်ဆောင်ရွက်ပေးနေရခြင်းတို့ အပြင် သုံးလ တစ်ကြိမ် အာဟာရဖွံ့ဖြိုးရေးစီမံချက်၊ ကျောင်း ကျန်းမာရေး၊ ပတ်ဝန်း ကျင်သန့်ရှင်းရေး ၊ နားလေးရောဂါ ကာကွယ်ရေး၊ တီဘီရောဂါတိုက်ဖျက်ရေး၊ အ နာကြီးရောဂါ တိုက်ဖျက်ရေး၊ လိင်မှတစ်ဆင့်ကူးစပ်သော ရောဂါများ၊ AIDS ရောဂါ တိုက်ဖျက်ရေးနှင့် ကာကွယ်ရေး၊ မျက်ခမ်းစပ်နှင့် မျက်မမြင်ကာကွယ်ရေး၊ တိရစ္ဆာန်မှ ကူးစက်သော ရော ဂါနှိမ်နှင်းရေး၊ ပညာရေး၊ ကျန်းမာရေးပညာဆိုင်ရာစီမံချက်များစွာတို့ကို ဆောင်ရွက်ပေးနေရခြင်းတို့အပြင်  WHO ကမ္ဘာ့အဖွဲ့ဝင်နိုင်ငံ တစ်နိုင်ငံဖြစ်သောကြောင့်လည်း ပြည်သူလူထု၏ ကျန်းမာရေးကို ကမ္ဘာ့နိုင်ငံများနှင့် အဆင့် အတန်းမီနိုင်ရန် စီမံကိန်းနှင့် စီမံချက် အမျိုးမျိုးချမှတ်ပြီး နေ့မအား ညမနားအကောင်အထည်ဖော် ဆောင် ရွက်ပေးနေကြရ ပါကြောင်း၊  ကျန်းမာရေးမှူးများအနေဖြင့်လည်း ဆရာဝန်များ မရောက်နိုင်သော ကျေးလက်ဒေသ များတွင် မြို့နယ်ဆရာဝန်များ၏ကိုယ်စား အထက်ပါ စီမံကိန်းနှင့် စီမံချက်များကို တာဝန်ယူ အကောင်အ ထည်ဖော် ဆောင်ရွက်ပေးကြရာ မြို့နယ်တိုင်းတွင် အထွေထွေ အုပ်ချုပ်ရေးမှူးများအား လက်ထောက်ညွှန်မှူး ရာထူးဖြင့် လည်းကောင်း၊ မြို့နယ်ပြည်သူ့ ရဲတပ်ဖွဲ့မှူးများအားး လက်ထောက်ညွှန်မှူးအဆင့်နှင့်ညီ မျှသော ပြည် သူ့ ရဲတပ်ဖွဲ့မှူးများအဖြစ်လည်းကောင်း၊ မြို့နယ်ပညာရေးမှူး များအားလည်း လက်ထောက်ညွှန်ကြားရေးမှူး အဆင့်နှင့်ညီမျှသော ပညာရေးမှူးများ ခန့်အပ်ထားပေးသည်ကို တွေ့ရှိရပါကြောင်း၊ထို့ကြောင့်  အလုပ်အကိုင် မ ရှိသော ဆရာဝန်များနှင့် ကျန်းမာရေးမှူးများအား အလုပ်အကိုင် ရရှိစေရန် ရည်ရွယ်၍ မြို့နယ်ဆရာဝန်ကြီးများအား လက်ထောက် ညွှန်ကြားရေးမှူးအဆင့် ခန့်ထားပေးရန်၊ မြို့နယ်ကျန်းမာရေး မှူးများကိုလည်း ဖွဲ့စည်းပုံနှင့်အညီ ရာထူးခန့်ထားပေးရန်နှင့် ကျန်းမာရေးမှူး ကောင်စီဖွဲ့စည်းပေးနိုင်ရန် တို့အတွက် အစီအစဉ်ရှိ/မရှိကို သိရှိ လိုပါကြောင်းနှင့် အစီအစဉ်ရှိပါကလည်း မည်သည့်ဘဏ္ဍာရေးနှစ်များတွင် စတင်ဆောင်ရွက်ပေးနိုင်မည်တို့ကို သိရှိ လိုပါကြောင်းမေးမြန်းပါသည်။