(က)-မြန်မာနိုင်ငံတွင် မူးယစ်ဆေးဝါး စွဲနေသူများ အတွက် ဆေးကုသဖြတ်တောက်သည့် ဆေးခန်း မည်မျှဖွင့်လှစ်ထားပါကြောင်းနှင့် ရေးမြို့နယ်၊လမိုင်း မြို့နှင့်ခေါဇာမြို့တို့တွင် ဆေးခန်းများ ဖွင့်လှစ်ပေး ရန် အစီအစဉ် ရှိ/မရှိ နှင့် စပ်လျဉ်းသည့် မေးခွန်း
2020-12-17
မြန်မာနိုင်ငံတွင် မူးယစ်ဆေး ဝါးရောင်းချသူ၊ ဖြန့်ဖြူးသူနှင့် သုံးစွဲသူများ အများဆုံးရှိသော နိုင်ငံတစ်နိုင်ငံ ဖြစ်ပါကြောင်း၊ လွှတ်တော်ကိုယ်စားလှယ်များ အဆိုတင်သွင်းခြင်း၊ မေးခွန်းများမေးမြန်းခြင်းစသည့် ကိစ္စများ ဆောင်ရွက်နေမှုများရှိသော်လည်း ရောင်းချသူနှင့်သုံးစွဲသူများ မလျော့နည်းသည့်အပြင် ပိုမို တိုးပွားလာပါကြောင်း၊ မိမိတို့အနေဖြင့် နှိမ်နင်းရန်ကိစ္စကို မတောင်းဆိုဘဲ နိုင်ငံတော်၏ အနာဂတ် သားကောင်းရတနာများ ဆုံးရှုံးမှုမရှိအောင် သုံးစွဲထားသူများကို ကူညီကယ်တင်ရန်အတွက် (၁) မြန်မာနိုင်ငံတွင် မူးယစ်ဆေးဝါးသုံးစွဲနေသူများအတွက် ဆေးကုသဖြတ်တောက်သည့် ဆေးခန်းမည်မျှရှိ၍ မည်သည့်မြို့နယ်များတွင် ဖွင့်လှစ်ထားပါကြောင်းနှင့် (၂) ရေးမြို့နယ်၊ လမိုင်းမြို့ နှင့် ခေါဇာမြို့တို့တွင် ဆေးခန်းများ ဖွင့်လှစ်ပေးနိုင်ရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။