(က)-မြန်မာနိုင်ငံရဲတပ်ဖွဲ့ဝင်များလက်နက်တပ်ဆင် ကိုင်ဆောင်အသုံးပြုခွင့်ကိုဥပဒေ၊နည်းဥပဒေများပြင် ဆင်၍စီမံဆောင်ရွက်ရန်နှင့်ခေတ်မီလက်နက်တပ် ဆင်ပစ်ခတ်ဖမ်းဆီးအသုံးပြုခွင့်ကိုခွင့်ပြုရန်အစီအစဉ် ရှိ/မရှိ နှင့်စပ်လျဉ်းသည့် မေးခွန်း
ယနေ့နိုင်ငံတော်အတွင်း တရားဥပဒေစိုးမိုးနေသော လုံခြုံရေးတာဝန် ထမ်းဆောင်နေသော ရဲတပ်ဖွဲ့ဝင်များ အရိုက်ခံရခြင်း၊
အသတ်ခံရခြင်းများ ဖြစ်ပေါ်လာသည်အထိ တွေ့မြင်ကြရပါကြောင်း၊ ထို့အပြင် ဖြစ်ပွားနေသော မှုခင်းများနှင့်ပတ်သက်ပြီး ဖော်ထုတ်ဖမ်းဆီးမှုများသည်လည်း အားနည်းပြီး အခက်အခဲများရှိသည်ကိုတွေ့ရပါကြောင်း၊ ရဲတပ်ဖွဲ့ဝင်များအနေဖြင့် မိမိကိုယ်ကို အသက်အန္တရာယ် လုံခြုံမှု ကာကွယ်ရန်အတွက် ရာဘာတုတ်နှင့် လေးဂွလောက်သာ ကိုင်စွဲအသုံးပြုနေရသည်ကို တွေ့ရှိရပါကြောင်း၊ ယခုနောက်ပိုင်းတွင် ရဲတပ်ဖွဲ့ဝင်များသည် ၎င်းတို့၏ အသက်အန္တရာယ်ကို ကာကွယ် ခုခံရန်အတွက် ဓားများကို တရားမဝင်ကိုင်တွယ်နေသည်ကိုလည်း တွေ့ရှိရပါကြောင်း၊ ပြည်သူတွေဘက်ကကြည့်ရင်လည်း ယုံကြည်အားကိုးမှုအားလျော့နည်းလာပြီး မိမိလုံခြုံရေးမိမိ တာဝန်ယူရသည့် အနေအထားဖြစ်ပေါ်လာသည်ကို တွေ့ရှိရပါကြောင်း၊ ထို့ကြောင့် နိုင်ငံတကာ စံနှုန်းနှင့်အညီ ဆန္ဒပြုမှုများ ထိန်းသိမ်းခြင်းနှင့် မပတ်သက်စေဘဲ ရာဇဝတ်သားများဖမ်းဆီးရေး ကိစ္စရပ်များဆောင်ရွက်ရာတွင် (၁) မြန်မာနိုင်ငံ ရဲတပ်ဖွဲ့ဝင်များ လက်နက်တပ်ဆင်ကိုင်ဆောင် တိုးပေးခွင့်ကို ဥပဒေ၊ နည်းဥပဒေများ ပြင်ဆင်စီမံဆောင်ရွက်ရန် အစီအစဉ် ရှိ/မရှိ။ (၂) အခြားနိုင်ငံများကဲ့သို့ ခေတ်မီလက်နက်များတပ်ဆင်ဖမ်းဆီး အသုံးပြုခွင့်ပေးရန် အစီအစဉ် သိရှိလိုပါကြောင်းမေးမြန်းပါသည်။