(ဃ)-ရေးမြို့နယ်မဟာဓာတ်အားလိုင်းလျှပ်စစ်မီးကို ၂၀၁၆-၁၇ဘဏ္ဍာရေးနှစ် အမျိုးသားစီမံကိန်းဥပဒေ တွင် ဆောင်ရွက်ထားခြင်းရှိ/မရှိနှင့်အံဒင် ကျောက် မီးသွေးစက်ရုံတည်ဆောက်ခြင်း လုပ်ငန်းကိစ္စများ အားဆောင်ရွက်ရန်ရှိ/မရှိနှင့်စပ်လျဉ်းသည့်မေးခွန်း
မွန်ပြည်နယ်၊ ရေးမြို့နယ်သည် လူဦးရေလည်း အင်မတန်ထူထပ်များပြားသော မြို့နယ် တစ်ခုဖြစ် ပါကြောင်းနှင့် ဒေသခံများအနေဖြင့် လျှပ်စစ်မီတာခကို ဈေးကြီးစွာ ပေးဆောင်၍ လျှပ်စစ်မီးကို ရယူ သုံးစွဲနေရသည့် အခြေအနေဖြစ်ပါကြောင်း၊ ထို့ကြောင့် လျှပ်စစ်မီးကိစ္စကို နိုင်ငံတော်အစိုးရအနေဖြင့် တာဝန်ယူ ဖြေရှင်းပေးနိုင်ရန်နှင့် မဟာဓာတ်အားလိုင်းရောက်ရှိနိုင်ရေးအတွက်ကိုလည်း လွှတ်တော် ထဲတွင် မကြာခဏ ဆွေးနွေးတင်ပြခဲ့ဖူးပါကြောင်း၊ နိုင်ငံတော်သမ္မတ၏ နိုင်ငံတော်ခရီးစဉ်တွင်လည်း မှာလည်း တာဝန်ရှိသူများက တင်ပြတောင်း ဆိုခဲ့ရာတွင် နိုင်ငံခြားချေးငွေရရှိပြီးတင်ဒါအောင်မြင်ပြီး ဖြစ်သည်ဟု ဖြေကြားခဲ့ပါကြောင်း၊ နိုင်ငံခြားချေးငွေကို မမျှော်လင့်ဘဲ နိုင်ငံတော်အစိုးရအနေဖြင့် ပြည်နယ်၊ ပြည်မ ခွဲခြားခြင်းမပြုဘဲ တန်းတူအခွင့်အရေးများ အမှန်တကယ်ဖော်ဆောင်ပေးနိုင်မည် ဆိုပါက ရေးမြို့နယ်သို့ လျှပ်စစ်မီးအမှန်တကယ်ရောက်ရှိမည်ဟု မျှော်လင့်ပါကြောင်း ထို့ကြောင့် (၁) ရေးမြို့နယ်တွင် မဟာဓာတ်အားလိုင်း လျှပ်စစ်မီးကို ၂၀၁၆-၂၀၁၇ ဘဏ္ဍာရေးနှစ်တွင် အမျိုးသား စီမံကိန်းဥပဒေတွင် ပါရှိသည့်အတိုင်း ဆောင်ရွက်ထားခြင်းရှိ/မရှိ ကိုသိလိုပါကြောင်း၊
ထို့ပြင် ရေးမြို့နယ်တွင် MN ကျောက်မီးသွေးစက်ရုံတည်ဆောက်ခြင်းနှင့် ပတ်သက်၍ ပြည်သူများ ကန့်ကွက်နေသော MN ကျောက်မီးသွေးစက်ရုံတည်ဆောက်ခြင်းလုပ်ငန်းများကို နိုင်ငံတော်အစိုးရ အနေဖြင့် ဆက်လက်ဆောင်ရွက်ရန် အခြေအနေရှိ/မရှိ ဆိုသည်ကိုပါ သိရှိလိုပါကြောင်း မေးမြန်းပါသည်။