မိမိတို့ ငါးနှစ်အတွင်း ပြည်ပကို နယ်စပ်ဂိတ်များမှ တစ်ဆင့်‌တင်သွင်းလာသည့် ယာဉ်အစီး ရေပေါင်းသည် ၆ သိန်းဝန်းကျင်ရှိပါကြောင်း၊ ထို့ကြောင့် မြို့ကြီးများတွင် ယာဉ်ကြောပိတ်ဆို့ပြီး ယာဉ်ရပ်နားရန် အခက်အခဲရှိသည်ကို တွေ့နေရပါကြောင်း၊ အထူးသဖြင့် ရန်ကုန်-မန္တလေး မြို့ကြီးများတွင် ယာဉ်ရပ်ရန် ပါကင်တစ်နေရာအတွက် ခိုက်ရန် ဖြစ်ပွားမှုနှင့် လူသတ်မှုအထိ ဖြစ်လာသည်မှာ စိတ်မကောင်းစရာအဖြစ်အပျက်များလည်း ရှိပါကြောင်း၊ ရန်ကုန်မြို့ကြီးများတွင် ယာဉ်မရပ်ရဆိုပြီး သတ်မှတ်ထားသည့် နေရာအများကြီးရှိပါသော်လည်း ယာဉ်ရပ်နားရန် ဆိုပြီး သတ်မှတ်ပေးထားသည့် နေရာများတွင် မတွေ့ရသည့်အတွက် ဖြေရှင်းဆောင်ရွက်ပေးရန်၊ ဒုတိယမေးခွန်းအဖြစ် အသက်(၁၈) နှစ်ပြည်‌့ပြီးသူတိုင်း ကားတစ်စီး တင်သွင်းခွင့် ရှိတယ်ဆိုပြီး ခွင့်ပြုပေးခဲ့သည့်အပေါ် ဖြစ်သင့်‌/မဖြစ်သင်‌့ဆိုခြင်းကို ပြန်လည်သုံးသပ်စဉ်းစား သင့်သည်ဟုထင်ပါကြောင်း၊ အမှန်တကယ် ကားတင်သွင်းခွင့်‌ ပေးမည်ဆိုပါက Individual 3% (၂၅) နှစ်ကျော်မှသာ ခွင့်‌ပြုသင့်ကြောင်း၊ ၎င်း ကိစ္စများတွင်လည်း Showroom နှင့် ကားရောင်စင်တာ အများကြီးရှိသည့်အတွက်ကြောင့် ထိုနေရာများတွင်လည်း ဝယ်လို့ရပါကြောင်း၊ ၎င်း ကိစ္စအားပြန်လည်စိစစ်ပေးရန်နှင့် နောက်ဆုံးအချက်ဖြစ်သည့် ကားအသစ်များကို ဘယ်မောင်းတင်သွင်းပြီးရောင်းချသော Showroom ကြီးများ ရှိပါကြောင်း၊ ကားအသစ်များကို ဝယ်သည့် နေရာများကို ကားပါကင်ရှိကြောင်း ထောက်ခံစာအား အဆင်‌့ဆင်‌့ ရပ်ကွက်၊ မြို့နယ်၊ ခရိုင်၊ တိုင်း၊ ပြည်ထောင်စုအဆင်‌့အထိ ပါကင်ရှိကြောင်းထောက်ခံစာ တောင်းနေရသည့်အတွက် မိမိတို့ နိုင်ငံ၏ လမ်း စည်းကမ်းနှင့်အညီ ဘယ်မောင်းကားများကို သုံးစွဲရန် အားပေးမြှင်တင်မှုများ မထိရောက်ဘဲ လိုအပ်သည့်ကိစ္စ ရပ်များကြောင့် ပြည်သူများဝန်ထုပ်ဝန်ပိုး မဖြစ်စေရန်အတွက် အမြန်ဆုံးပြောင်းလဲဆောင်ရွက်ပေးပါရန် အစီအစဉ်ရှိ/မရှိနှင့် မည်သို့ဆက်လက်ဆောင်ရွက်မည်ကို သိလိုပါကြောင်း မေးမြန်းပါသည်။