မိမိအနေဖြင့် HIV(AIDS) ဖြစ်ပေါ်မှုအခြေခံဖြစ်သော မူးယစ်ဆေးဝါးအသုံးပြုသုံးစွဲသူများကို ကယ်တင် နိုင်ရေးအတွက် ကယ်တင် ရေးစခန်းများဆောက်လုပ်၍ လူ့အရင်းအမြစ်မြှင့်တင်ပေးနိုင်ရေးအတွက် တိုင်း ဒေသကြီးနှင့် ပြည်နယ်များတွင် ရာသီဥတုကောင်းမွန်သောနယ်မြေဒေသများကို ရွေးချယ်သတ်မှတ်၍ ဧက ၁၀၀၀ သို့မဟုတ် အနည်းဆုံးဧက ၅၀၀ ကျယ်ဝန်းသော မြေဧရိယာများကို ရွေးချယ်သတ်မှတ်၍ ဧရိယာပတ် လည်တွင် ခိုင်ခံ့သော သံဇကာ၊ သံဆူးကြိုးများကို နှစ်ဆင့်သုံးဆင့်ကာရံထား၍ မူးယစ်ဆေးဝါး ကိုင်ဆောင် အသုံးပြုနေသော လူငယ်လူရွယ်ပုဂ္ဂိုလ်များကို အချုပ်ထောင်ထည့်မည့်အစား လူ့အရင်းအမြစ် ကယ်တင်သော နည်းလမ်းများဖြင့် မူးယစ်ဆေးဝါးဘိန်းဖြတ်စခန်းတွင် ထည့်သွင်းပို့ဆောင် စောင့်ရှောက် အနားယူခိုင်းခြင်း၊ သုံးစွဲသူများကို NGO ကမ္ဘာ့ကျန်းမာရေးအဖွဲ့များနှင့် ပူးပေါင်း၍ စောင့်ရှောက် ကုသရာတွင်လည်း မူးယစ် ဆေးဝါးလုံးဝမပါဝင်သော ဝမ်းလျှော၊ ဝမ်းပျက်ဆေးနှင့် အားဆေးများသာ တိုက်ကျွေး စောင့်ရှောက် ကုသသော နည်းစနစ်များဖြင့် ကုသရန်လိုအပ်သည်ကို

ယနေ့ ကမ္ဘာ့အလယ်တွင် ဖွံ့ဖြိုး တိုးတက်ရေးအတွက် ရင်ဘောင်တန်း၍ တည်ဆောက်ရာတွင်လည်း ကျွမ်းကျင် အလုပ်သမားဝန်ထမ်းများရရှိရန် လိုအပ်သည်နှင့်အညီ အသက်မွေးဝမ်းကြောင်းနည်းပညာများကို တတ်ကျွမ်းအောင် သင်ကြားသင်ပေးပြီး သတ်မှတ်ချိန်ပြည့်မီ၍ ပြန်ခိုင်းရာတွင်လည်း သင့်တော်သော အခ ကြေးငွေပေး၍ ကာကွယ်စောင့်ရှောက်ကာ ကယ်တင် တည်ထောင်သော နည်းလမ်းများကိုလည်း ကျင့်သုံး၍ ကယ်တင်ရန် လိုအပ်ပါကြောင်း၊  ယခုအချိန်တွင် မိမိနိုင်ငံတော်၌ မူးယစ်ဆေးဝါးစိုက်ပျိုးမှုကို ဒေသ အခြေ အနေအရဖြစ်စေ၊ ဒေသဖွံ့ဖြိုးမှု အားနည်း၍ဖြစ်စေ၊ ဆေးဝါးအဖြစ်သုံးစွဲရန် လိုအပ်၍ဖြစ်စေ၊ မူးယစ် ဆေးဝါး စိုက်ပျိုးတည်ထောင်မှုကို လုံးဝချုပ်ငြိမ်း ပျောက်ကွယ်သွားအောင် ဆောင်ရွက်တိုက်ဖျက် တားမြစ်နိုင်ရန် ခက်ခဲမှုအပေါ်မှာအခြေခံ၍ နိုင်ငံတော်အစိုးရအနေဖြင့် အသင်းအဖွဲ့ရောင်းဝယ်ခြင်းနှင့် ရှူရှိုက် စားသောက် အသုံးပြုနေသော လူငယ်လူရွယ်ပုဂ္ဂိုလ်များကို တစ်ပြေးညီဥပဒေဖြင့် အချုပ်ထောင် ထည့်ခြင်းမှ ပြန်လည် သုံးသပ်လျှော့ပေါ့ သတ်မှတ်၍ ရောင်းဝယ်သူများကို ငွေဒဏ်နှင့်ယှဉ်တွဲ၍ဖြစ်စေ၊ မရှိဆင်းရဲမှုကြောင့် အသင်းအဖွဲ့ရောင်းချမှုနှင့် အကြီးစားရောင်းချမှုများကို ခွဲခြားသတ်မှတ်၍ သုံးစွဲသူများကို ထောင်ဒဏ် ၃ နှစ်ထက် မပိုသော ပြစ်ဒဏ်များပေး၍ အသင်းအဖွဲ့ရောင်းချသူများကို ထောင်ဒဏ် (၅) နှစ်ဖြစ်စေ၊ ငွေဒဏ် (၅)သိန်းမှ (၂၀)သိန်းဖြစ်စေ ပြောင်းလဲသတ်မှတ်အစားထိုး ကျင့်သုံးခြင်းဖြင့် အမိနိုင်ငံတော်အစိုးရအနေဖြင့် အကျင့် ပျက်သော သားသမီးများကို ထောက်ထားညှာတာ၍ ကယ်တင်ထူထောင်ပေးနိုင်ရေးအတွက် ထည့်သွင်း စဉ်းစားပေးပါရန် တင်ပြပါကြောင်း၊       

သို့ဖြစ်ပါ၍ အထက်ပါ တင်ပြဆွေးနွေးတောင်းခံမှုအပေါ် နိုင်ငံတော်အစိုးရ၊ ပြည်ထောင်စု အစိုးရအဖွဲ့အနေဖြင့် မူးယစ်ဆေးဝါးသုံးစွဲအသုံးပြုနေသူများကို မည်သို့မည်ပုံ ကယ်တင်ဆောင်ရွက်သွားမည်ကို သိလိုပါကြောင်းနှင့် အထက်ပါတင်ပြသောနည်းလမ်းများအနေဖြင့် ကယ်တင်ခြင်းဖြင့် အကျင့်ပျက်နိုင်ငံသား သားသမီးများကို နိုင်ငံတော်အစိုးရအနေဖြင့် ကယ်တင်ဆောင်ရွက်သွားရန် အစီအစဉ်ရှိ/မရှိသိလိုပါကြောင်း မေးမြန်းပါသည်။