(က)-လပွတ္တာမြို့နယ်ရှိနေလှန်းဆားလုပ်ငန်း လုပ်ကိုင်နေသောတောင်သူများ၏ ကြုံတွေ့နေရသော အခက်အခဲများနှင့် စပ်လျဉ်းသည့်မေးခွန်း
မိမိတို့နိုင်ငံတွင် ရှိသော နေလှန်းဆားထုတ်လုပ်သည့် ကျေးလက်နေ ဆားတောင် သူများကိုယ်စား မေးခွန်း ၄ ခုကို ဆားတောင်သူများ ကိုယ်စား မေးမြန်း သွား မည်ဖြစ်ပါကြောင်း၊
(၁) နေလှန်းဆားထုတ်လုပ်သော ဆားတောင်သူများ၏ လန (၃၉) ရရှိပြီးသော ဆားလယ်များကို လယ်ယာမြေနှင့် ငါးမွေးကန်များကဲ့သို့လည်းကောင်း၊ အခြားလန (၃၉) ရရှိပြီးသော မြေများကဲ့သို့လည်းကောင်း နိုင်ငံတော်အစိုးရက အသိအမှတ်ပြုထားသောဘဏ်များ၌ ပေါင်နှံခြင်းကို ခွင့်ပြုပေးနိုင်ရန် အစီအစဉ်ရှိ/မရှိ။
(၂) နာဂစ်မုန်တိုင်းပြီးနောက် တစ်နှစ်ထက်တစ်နှစ် လုပ်ငန်းအ ရှုံးပေါ်နေသော ဆားတောင်သူများအတွက် နည်းပညာ၊ အရင်းအနှီး၊ ဈေးကွက်အစရှိသည့် အခက်အခဲ များဖြစ်ပေါ်နေသော အခြေအနေကို ကူညီပေးနိုင်မည့် အစီအစဉ်များ ရှိ/ မရှိ။
(၃) ဆားတောင်သူများကိုချေးထားသော အထူးချေးငွေများကို ပြည့်ဝစွာပြန်လည်ပေးသွင်းပြီးသူ၊ ၅၀ ရာခိုင်နှုန်း ပြန်လည်ပေးသွင်းပြီးသူနှင့် ညှိနှိုင်းသတ်မှတ်ချက်များကို လိုက်နာပြီးဆောင်ရွက်ခဲ့ကြသော ဆားတောင်သူများ အတွက် ချေးငွေတစ်ရပ် အသစ်ပြန်လည်ထုတ်ချေး ပေးနိုင်မည့်အစီအစဉ် ရှိ/မရှိ။
(၄) တစ်နိုင်ငံလုံး၌ ဆားထုတ်လုပ်နယ်မြေ ၃ ခုသာရှိသော ဆားတောင်သူများအတွက် အသား ထုတ်လုပ်သူများ၊ သီးနှံ ထုတ်လုပ်သူများ၊ စိုက်ပျိုးရေးနှင့် မွေးမြူရေးလုပ်ငန်း လုပ်ကိုင်သူများ အသေးစားအလတ်စားလုပ်ကိုင်သူများကို ဖွံ့ဖြိုးတိုးတက်လာစေရန် နိုင်ငံတော်အစိုးရနှင့် အဖွဲ့အစည်း အသီးသီးတို့မှ စီမံကိန်းများချမှတ်ပြီးဆောင်ရွက် ပေးသကဲ့သို့ ဆားတောင်သူများကိုလည်း ၎င်းတို့ဘဝမြှင့်တင်နိုင်ရေးအတွက်ဆောင်ရွက်ပေးနိုင်မည့် အစီအစဉ် ရှိ/မရှိ သိလိုကြောင်း မေးမြန်း ပါသည်။