မြန်မာနိုင်ငံ၌ မြေယာကိစ္စနှင့်ပတ်သက်၍ လုပ်ကိုင်ခွင့်များချပေးရာ သစ်တောရေးရာ ဦးစီးဌာနနှင့် မြေစာရင်းဦးစီးဌာန ၂ ခုသာ အဓိကကျသော အခန်းကဏ္ဍတွင် ပါဝင်နေပါကြောင်း၊ ကျေးလက်နေပြည်သူများ အနေ၏ ပညာမတတ်မှု၊ ဥပဒေနားမလည်မှုကြောင့် ပြည်သူ့ဝန်ထမ်းများကိုသာ အားကိုးနေကြရရာ သက်ဆိုင်ရာဦးစီးဌာနအနေနဲ့ ကျေးလက်ပြည်သူများကို လုပ်ထုံးလုပ်နည်း ပြောပြ ဆောင်ရွက်ပေးခြင်း မရှိဘဲ အလွယ်တကူ အခွန်ဆောင်ပြေစာများသာ ထုတ်ပေးခဲ့ခြင်းများကြောင့် ပြည်သူများအနေဖြင့် ယင်းပြေစာခွန်ရရှိပြီး ဖြစ်သည့်အတွက် မိမိလုပ်ပိုင်ခွင့်ရမြေဖြစ်ပြီဟု မှတ်ယူနေကြ ပါကြောင်း၊ ထို့အတွက်ကြောင့် အောက်ခြေမြေယာများကို သစ်တောဦးစီးပိုင်မြေ သို့မဟုတ် မြေစာရင်းဦးစီးဌာနပိုင်မြေ ဆိုသည်များကို ရှင်းလင်းစွာ ဆောင်ရွက် ထားခြင်း မရှိသည့်အတွက် ၎င်းမြေကွက်ကိုပင် ဦးစီးဌာနတစ်ခုက အခြားလူတစ်ဦးအား လုပ်ပိုင်ခွင့်ထပ်ပြီး ချပေးခဲ့သည်များကိုလည်း တွေ့ရှိရပါတယ်။ ထို့အတွက်ကြောင့် ယခင်စိုက်ပျိုးထားသူနှင့် နောက်စိုက်ပျိုးခွင့်ရရှိသူတို့ ပိုင်ဆိုင်မှုပဋိပက္ခ ဖြစ်ပေါ်ကြုံတွေ့ကြရပါကြောင်း၊ ထို့သို့ဖြစ်ပေါ်လာပါကလည်း Background ကောင်းသည့်သူများကသာ အနိုင်ရစမြဲ ဖြစ်သည့်အတွက်ကြောင့် မိမိအနေဖြင့် မြေယာအငြင်းပွားမှုအပေါ်တွင် ဘဝပျက်သည်အထိ နှစ်နာမှုခံစားရသော အခွန်ထမ်းနိုင်ငံသားများ အတွက် မည်သည့်ဦးစီးဌာနမှ တာဝန်ယူကုစားပေးမည်ကိုသိရှိလိုပါကြောင်း မေးမြန်းပါသည်။