(င)-တောင်သူလယ်သမားများ စပါး၊ ဆီထွက်သီးနှံ၊ ပဲမျိုးစုံမျိုးစေ့များကိုလွယ်ကူစွာဝယ်ယူရရှိနိုင်ရန်နှင့် စပ်လျဉ်းသည့်မေးခွန်း
တောင်သူလယ်သမားများအတွက် စပါးနှင့် ဆီထွက်သီးနှံဖြစ်သော ပဲမျိုး စုံ၊ ပြောင်း၊ ဝါမျိုးစေ့များကို လုံလောက်စွာ စိုက်ပျိုးချိန်မီ ဝယ်ယူနေရခြင်းနှင့် ပတ်သက်၍ မေးမြန်းခြင်းဖြစ်ပါကြောင်း၊ ပြည်ထောင်စုအစိုးရ လယ်ယာ စိုက်ပျိုးရေးဝန်ကြီးဌာနမှ တောင်သူလယ်သမားများအတွက် ထွက်နှုန်းကောင်း ၍ မြန်မာနိုင်ငံ၏ ရေမြေသဘာဝနှင့် ကိုက်ညီ သော မျိုးကောင်းမျိုးသန့်များကို စိုက်ပျိုးပြီး ဖြန့်ချီနေသော်လည်း အထက်မြန်မာနိုင်ငံရှိ ပဲမျိုးစုံစိုက်သော တောင် သူများ အတွက် ရေမြေဒေသနှင့် သင့်တော်ပြီး အထွက်တိုးသော ပဲမျိုးစုံဖြစ်သည့် ပဲတီစိမ်း၊ မတ်ပဲ၊ ပဲစိမ်းငုံ၊ ပဲပုပ်စေ့နှင့် ပြောင်းဖူး စေ့တို့၏ မျိုးစေ့များအပြင် ဆီထွက်သီးနှံများဖြစ်သော မြေပဲ၊ ဆီနေကြာ၊ နှမ်းအမည်း၊ နှမ်း အဖြူ၊ နှမ်း အညိုနှင့် ချည်မျှင်ရှည် ဝါ၏ မျိုးစေ့ကို စိုက်ပျိုးချိန်မီ လုံလောက်စွာ ဝယ်ယူ၍မရဖြစ်နေသည်ကို တင်ပြလာကြပါကြောင်း၊ ထို့ကြောင့် လုံလောက်သာ မျိုးကောင်း မျိုးသန့်တို့ကို စိုက်ပျိုးအချိန်အမီ လွယ်ကူစွာဝယ်ယူ၍ ရနိုင်အောင် သက်ဆိုင်ရာ ဝန်ကြီး ဌာနမှ ဆောင်ရွက်ပးရန် အစီအစဉ်ရှိ/မရှိကို မေးမြန်းပါသည်။