(က)-ရန်ကင်းမြို့နယ်အတွင်း မြေနေရာလွတ်အဖြစ် ကျန်ရှိသည့် မြေနေရာများအား အပန်းဖြေ နိုင်သည့်ကွင်းအဖြစ် သတ်မှတ်ပေးပါရန်နှင့် စပ်လျဉ်းသည့် မေးခွန်း
ရန်ကင်းမြို့နယ်အတွင်း မြို့ရွာနှင့်အိုးအိမ်ဖွံ့ဖြိုးရေး ဦးစီးဌာနက စီမံခန့်ခွဲခွင့် ရှိသော မြေနေရာ များတွင် မြို့ရွာဖွံ့ဖြိုး တိုးတက်ရေးကို ရည်ရွယ်ပြီး မြို့ရွာနှင့် အိုးအိမ်ဖွံ့ဖြိုးရေးဦးစီးဌာနမှ အဆင့်မြင့်တိုက်တာ အဆောက်အဦများကို တိုးချဲ့ ဆောက်လုပ်ပေးလျက် ရှိရာ နေရာလပ်များကို တိုးချဲ့ဆောက် လုပ်ပေးလျက် ရှိသောကြောင့် မြို့နေ ပြည်သူများ အပန်းဖြေအနားယူနိုင်ရန်၊ လူငယ်များ ဆော့ကစားရန်နှင့် အကြောင်းပေါ်ပေါက်ပါက စုစည်းနိုင် သည့် မြေနေရာ ရှားပါး လာပါကြောင်း၊ ယခုအခါ မိမိတို့မြို့နယ်အတွင်း အမှတ်(၁) ၊ အမှတ်(၂)၊ အမှတ်(၄)နှင့် အမှတ်(၆)ရပ်ကွက်များတွင် အနည်းငယ် ကျန်ရှိနေသောမြေနေရာများကို အကြောင်းပေါ်ပေါက်ပါက ပြည်သူများ စုစည်းနိုင်ရန်နှင့် လူငယ်များ၊ သက်ကြီး ရွယ်အိုများ အပန်းဖြေနိုင်သော ကွင်းအဖြစ် သတ်မှတ်ထားရှိပေးပါရန်နှင့် မည်သည့်အချိန်တွင် သတ်မှတ် ထားရှိပေးနိုင်မည်ကို သိရှိလိုကြောင်း မေးမြန်းပါသည်။