မြန်မာနိုင်ငံတွင် တောင်သူလယ်သမားများကို လယ်ယာစိုက်ပျိုးရေး ဝန်ကြီးဌာန မြန်မာ့လယ်ယာ ဖွံ့ဖြိုးရေးဘဏ်မှ စိုက်ပျိုးထုတ်လုပ်မှု အထောက်အကူဖြစ်စေရန် ရည်ရွယ်ချက်ကောင်းများဖြင့် စိုက်စရိတ်များ ထုတ်ချေးပေးလျှက် ရှိရာ ယနေ့အစိုးရသစ် လက်ထက်တွင် စိုက်ပျိုးစရိတ်ကို နှစ်စဉ် တိုးပြီးချေးပေးခဲ့သည့် အတွက် လယ်တစ်ဧကကို ၁ သိန်းအထိ တိုးမြှင့်ချေးပေးခဲ့ရာ နိုင်ငံတော် အစိုးရအပေါ် တောင်သူ လယ်သမား များက ကျေးဇူးတင်လျှက် ရှိနေကြပါကြောင်း၊ သို့သော်လည်း ချေးငွေပြန် ဆပ်ရသည့် စနစ်မှာ သီးနှံပေါ်ချိန် နှစ်စဉ်ပြန်ဆပ်ရသည့် စနစ်ဖြစ်သည့်အတွက် အကြောင်းအမျိုးမျိုးကြောင့် သီးနှံပျက်စီးချိန်၊ ရာသီဥတုကြောင့် စိုက်ချိန်နောက် ကျပြီးသီးနှံ မပေါ်ခင် ငွေပြန်အပ်ရချိန် မျိုးတွင် သီးနှံလက်ဝယ်ရရှိသော်လည်း သီးနှံဈေးကျနေခြင်း၊ ဈေးနိမ့်၍ အဝယ်ခံရခြင်း၊ ကြိုက်ဈေးကိုစောင့်၍ မရောင်းနိုင်ခြင်းစသည့် အခက် အခဲများကို တောင်သူ ဦးကြီးများ တွေ့ကြုံနေရ ပါကြောင်း၊ နိုင်ငံတော်၏ စေတနာကလည်း ပေးကားပေး၏ မရဆိုသလို ဖြစ်နေရာ အမေးခွန်းအနေဖြင့် သီးနှံပေါ်ချိန် နှစ်စဉ်ချေးငွေ ပေးဆပ်ရသည့်စနစ်မှ နှစ်ရှည် အနည်းဆုံး ၂ နှစ် ပေးဆပ် ရသည့် စနစ်သို့ ပေးဆပ်ခွင့်ပြုပေးပါရန် အစီအစဉ်ရှိ/မရှိ သိလိုပါ၍ တောင်သူလယ်သမားများ၏ ကိုယ်စား မေးမြန်းပါသည်။