တောင်သူလယ်သမားများအတွက် အဓိကသွင်းအားစုဖြစ်သော ယူရီးယား ဓာတ်မြေသြ ဇာကို စွမ်းအင်ဝန်ကြီး ဌာနက တန်ချိန်ပေါင်း ၃၀၀ ကျော်ထုတ်ပြီး စက်ရုံထုတ်ဈေး တစ်အိတ်လျှင် ၁၄၄၀ဝိ ကျပ် နှုန်းဖြင့် ရောင်းချပေးသည်ဟု ကြားသိရသော်လည်း အစိုးရသစ်၏ သက်တမ်းတစ်ဝက်ကျော်  ၂၈-၁၁-၂၀၁၃ ခုအထိ တောင်သူလယ်သမား တစ်ဦးတစ်ယောက်မှ သက်သာသောနှုန်းထားနှင့် ဝယ်ယူရရှိကြောင်းကို မကြားသိခဲ့ရ ပါကြောင်း၊ ကုမ္ပဏီကြီးအချို့ကိုသာ ပါမစ်စနစ်ဖြင့် ရောင်းချပေးနေခြင်းဖြစ်သည့် အတွက် တစ်အိတ်လျှင် ၁၈၀၀ဝိ ကျပ်မှ ၂၀၀၀ဝိ ကျပ်ထိ ဈေးကြီးပေး ဝယ်ယူသုံး စွဲနေကြရသည့်အပြင် ကုန်သည်များ၏ ဈေးကစားခြင်းကိုလည်း ခံကြရပါကြောင်း၊ စွမ်းအင်ဝန်ကြီးဌာနမှထုတ်သော ယူရီးယားဓာတ်မြေသြဇာမှာ  နိုက်ထရိုဂျင် ၄၆% သာပါဝင်ပြီး အလေးချိန်လျော့နည်းခြင်း၊  ပါကင်ညြံ့ခင်း၊ အိတ်များ ပေါက်ပြဲခြင်း၊  အစိုပြန်၍ ခဲခြင်းဖြစ်လေ့ရှိကြောင်း၊  ကာလပေါက်ဈေး ၁၈၀၀ဝိ ကျပ်နှုန်းခန့် ရှိသည့်အပြင် တောင်သူလယ်သမား များ လိုအပ်ချိန်တွင် အလွယ်တကူ အလုံအလောက်ဝယ်ယူ၍ မရပါကြောင်း၊  စက်မှု(၁)မှထုတ်သော  ရွှေတောင် ယူရီးယားဓာတ်မြေသြဇာများသည် ရှားပါးပြီး ဈေးနှုန်းလည်းပိုကြီးပါကြောင်း၊ စွမ်းအင်ဝန်ကြီးဌာန စက်ရုံ အသီးသီးမှ ထုတ်သော ဓာတ်မြေသြဇာများသည် လက်ဝါးကြီးအုပ် ကုမ္ပဏီများ၏ ဂိုဒေါင်များသို့ တိုက်ရိုက် ရောက်ရှိ သွားသည်သာမက အရောအနှောလည်း လုပ်ကြသည့်အပြင် တောင်သူလယ်သမားများအနေဖြင့်လည်း နည်းမျိုးစုံ လိမ်ညာရောင်းချခြင်းကို ခံနေကြရပါကြောင်း၊ သနပ်ပင်မြို့နယ် ဖွံ့ဖြိုးရေးအထောက်အကူပြု ကော်မတီက ဖွံ့ဖြိုးရေးရန်ပုံငွေအတွက် သက်သာသောနှုန်းထားနှင့် ပြန်လည်ရောင်းချပေးရန် ပြည်ထောင်စု ဝန်ကြီးဌာနအထိ အဆင့်ဆင့်လျှောက်ထားသော်လည် ဝယ်ယူခွင့်မရသေးကြောင်းနှင့် ယခုရက်ပိုင်းတွင် ပါမစ် ရထားသော ကုမ္ပဏီမှတဆင့် တစ်အိတ်လျှင် ၁၆၀၀ဝိကျပ် နှုန်းဖြင့် ရောင်းချပေးလာကြောင်း ကို လည်းသိရှိရပါကြောင်း၊ တစ်ဆင့်ခံမဟုတ်ဘဲ မြို့နယ်အဖွဲ့အစည်းသို့ို တိုက်ရိုက် ကိုယ်စားလှယ်ပေး ရောင်းချ ပေးမည်ဆိုပါက အရည် အသွေးနှင့် အလေးချိန်လျော့နည်းမှု ထိန်းနိုင်မည်ဖြစ်ပြီး တောင်သူလယ်သမားများ အတွက်လည်း ပိုမိုအကျိုးရှိစေ ရန်အတွက် အောက်ပါမေးခွန်းများကို မေးမြန်းလိုပါကြောင်း

(၁) ပုလဲဓာတ်မြေသြဇာများကို သက်ဆိုင်ရာဝန်ကြီးဌာနနှင့်  တိုင်းဒေသကြီး/ပြည်နယ် အစိုးရများအနေဖြင့် ပုဂ္ဂလိက ကုမ္ပဏီအချို့ကိုသာ ဝယ်ယူခွင့်ပါမစ် ထုတ်ပေးရောင်းချနေခြင်းမှာ ဟုတ်/မဟုတ်၊

(၂) နိုင်ငံတော်ပိုင်စက်ရုံများက ပုလဲဓာတ်မြေသြဇာများကို တစ်နှစ်လျှင် တန်ချိန်/အိတ်ရေ မည်မျှ ထုတ်လုပ်ရောင်း ချသည်ကိုလည်းကောင်း၊  တောင်သူလယ်သမားများ လိုအပ်ချိန်တွင် လုံလောက်စွာ ထုတ်လုပ်ဖြန့်ဖြူးပေးရန် အစီ အစဉ်ရှိ/မရှိ၊

(၃) ထုတ်လုပ်သော ဓာတ်မြေသြဇာများ၏ အရည်အသွေးကို မထိခိုက်စေရန် ပိုမိုကောင်းမွန်သော ထုပ်ပိုးမှုစနစ်ဖြင့် ထုတ်လုပ်ပေးရန် အစီအစဉ်ရှိ/မရှိ၊

 (၄) တောင်သူလယ်သမားများ ဈေးနှုန်းချိုသာစွာ အလွယ်တကူဝယ်ယူသုံးစွဲနိုင်ရေးနှင့် စိုက်ပျိုးအသုံးပြုချိန်အ မီ ဖြန့်ဖြူးပေးမည့် အစီအစဉ်များရှိ/မရှိ၊

(၅) တောင်သူလယ်သမား တစ်ဦးချင်းသော်လည်းကောင်း၊ အဖွဲ့အစည်းလိုက်သော်လည်းကောင်း တိုက်ရိုက် ဝယ် ယူခွင့်ရှိ/မရှိ၊

(၆) သနပ်ပင်မြို့နယ်ဖွံ့ဖြိုးရေး အထောက်အကူပြုကော်မတီ၏ ပုလဲဓာတ်မြေသြဇာ ဝယ်ယူခွင့်လျှောက် လွှာကို နွေစပါးစိုက်ပျိုးချိန်အမီ ဝယ်ယူခွင့်ပါမစ်ချပေးရန် အစီအစဉ်များရှိ/မရှိ သိရှိလိုကြောင်း မေးမြန်းပါသည်။