(ဆ)-ဟုမ္မလင်းမြို့နယ်တွင်တည်ဆောက်မည့် ထမံသီရေအားလျှပ်စစ်စီမံကိန်းကိုရပ်ဆိုင်းခြင်းမှာ ယာယီ(သို့)အပြီးတိုင်ဖျက်သိမ်းခြင်းဖြစ်ပါသလား ၊ပြောင်းရွေ့ခံလယ်သမားများကိုလယ်ယာများပြန် လည်လုပ်ကိုင်ခွင့်ရရန်စီစဉ်ပေးနိုင်ခြင်း ရှိ/မရှိနှင့် စပ်လျဉ်းသည့်မေးခွန်း
စစ်ကိုင်းတိုင်းဒေသကြီး၊ ဟုမ္မလင်းမြို့နယ်တွင် ချင်းတွင်းမြစ်ကိုပိတ်၍ တည်ဆောက်မည့် ထမံသီရေအားလျှပ်စစ် စီမံကိန်းကြောင့် စီမံကိန်းနှင့် မလွတ် ကင်းသော ကျေးရွာနှင့် အိမ်ထောင်စု ၅၀၀ ခန့် ချင်းတွင်းမြစ်ကမ်းဘေး ဟုမ္မလင်းမြို့ ၏ အောက်ဘက်၊ အရှေ့ဘက်မိုင် ၂၀ ကျော်ခန့်အကွာ ရွှေပြည်အေးမြို့သစ် တည်ထောင်ပေးပြီး ပြောင်းရွှေ့စေခဲ့ပါကြောင်း၊၎င်းမြို့တွင် တိုက်နယ်ဆေးရုံ၊ အထက်တန်းကျောင်းခွဲ၊ လျှပ်စစ်ဓာတ်အား ရရှိရေး၊ သောက်သုံးရေရရှိရေး၊ ကတ္တရာလမ်းခင်းပေးခြင်း၊ ဗုဒ္ဓဘာသာဝင်များအတွက် ကိုးကွယ်ရန်စေတီတစ်ဆူ တည်ပေးခြင်း၊ ခရစ်ယာန်ဘာသာဝင်များအတွက် Church တည်ဆောက်ပေးခြင်းဖြင့် အခြေကျနေထိုင်ကြပြီ ဖြစ်ပါကြောင်း၊ သို့သော် ထမံသီစီမံကိန်းကို ရပ်ဆိုင်းလိုက်သဖြင့် လယ်ယာမြေများ စွန့်လွှတ်၍ ရွှေ့ပြောင်းခဲ့ရသည့် လယ်သမားများ အနေဖြင့် ရွှေပြည်အေးမြို့သစ်ထက် မြေသြဇာထက်သန်သည့် ၎င်းတို့လယ်ယာများကို ပြန်လည် စိုက်ပျိုးလိုကြ ပါကြောင်း။
ကျန်ရစ်သောကျေးရွာများမှာလည်း ၎င်းတို့လယ်သမားများ၏ လယ်ယာများကို ဝင်ရောက်လုပ်ကိုင်နေခြင်း ကြောင်း စီမံကိန်းကို ယာယီရပ်ဆိုင်းခြင်း (သို့) အပြီးတိုင် ဖျက်သိမ်းခြင်းနှင့် ပြောင်းရွှေ့ခံလယ်သမားများ၏ လယ်ယာများ ကို ပြန်လည်လုပ်ကိုင်ခွင့်ရရန် စီစဉ်ပေးနိုင်ခြင်းရှိ/မရှိ သိရှိလိုကြောင်း မေးမြန်းပါသည်။