(က)-သာစည်မြို့နယ်အတွင်းရှိ ညောင်ရမ်း- မင်းလှကန်ပေါင်အား ပုံစံကျတည်ဆောက်ပေးရန်နှင့် ရေပေးဝေနေသော အမှတ်(၁)၊ အမှတ်(၅)မြောင်းများကို ပုံစံကျ ပြန်လည်တူးဖော်ပေးရန် အစီအစဉ်ရှိ/မရှိ နှင့် စပ်လျဉ်းသည့် မေးခွန်း
သာစည်မြို့နယ် ညောင်ရမ်း-မင်းလှကန်ကြီးကို ပုံစံတကျတူးဖော်၊ ရေပေးဝေရေးအတွက် မြောင်းများကို ပုံစံကျ ပြန်လည်တူးပေးရန် ပထမအကြိမ် ပြည်သူ့လွှတ်တော် (၁၃)ကြိမ်မြောက် ပုံမှန်အစည်းအဝေးတွင် မေးမြန်းခဲ့ကြောင်း၊ သက်ဆိုင်ရာ ပြည်ထောင်စုဝန်ကြီးမှ ပြန်လည်ဖြေကြားရာတွင် ၂၀၁၃-၂၀၁၄ ဘဏ္ဍာရေးနှစ်မှစ၍ သက်ဆိုင်ရာ ဘတ်ဂျက်နှစ်အလိုက် ဆောင်ရွက်ပေးမည်ဟု ဖြေကြားခဲ့ကြောင်း၊ ဆောင်ရွက်ပေးမည်ဟု ဖြေကြားခဲ့သော်လည်း ညောင်ရမ်း-မင်းလှကန်ကြီး၏ ကန်ပေါင်ပုံစံကျ မြေဖို့ခြင်း လုပ်ငန်းနှင့် ရေပေးမြောင်း အမှတ်(၁)နှင့် အမှတ်(၅)တို့ကို ပုံစံကျပြုပြင်ပေးရန် ဆောင်ရွက်ပြီးမှသာ တောင်သူများ လိုအပ်နေသည့် စိုက်ပျိုးရေး လုပ်ငန်းများကို လုပ်နိုင်ပြီး စနစ်တကျ ရေပေးဝေနိုင်မည် ဖြစ်ကြောင်း၊ ညောင်ရမ်း-မင်းလှကန်၏ ကန်ပေါင်ကို ပုံစံကျမြေဖို့ခြင်း လုပ်ငန်းနှင့် ရေပေးမြောင်း အမှတ်(၁)နှင့် အမှတ်(၅)တို့ကို ပုံစံကျပြန်လည်တူးဖော်ပေးခြင်းလုပ်ငန်း တို့ကို ဆက်လက် ဆောင်ရွက်နိုင်ရန် အစီအစဉ် ရှိ/မရှိ မေးမြန်းအပ်ပါသည်။