ရေးမြို့နယ်သည် ကျေးရွာပေါင်း ၉၆ ရွာ၊ လူဦးရေ ၂၃၃၈၃၄ ဦးဖြင့် ဖွဲ့စည်းထားသော မြို့တစ်မြို့ဖြစ်ပြီး မြို့နယ်ခွဲ ၂ ခုဖြင့် ထပ်မံဖွဲ့စည်းထားသော မြို့တစ်မြို့ဖြစ်ပါကြောင်း၊ ၎င်းကျေးရွာ ၉၆ ရွာအနက် အစဉ်စံပြကျေးရွာတွင်သာ  CDMA တာဝါတိုင် တစ်တိုင်သာရှိသည်ကို လေ့လာတွေ့ရှိခဲ့ရပါကြောင်း၊ GSM တာဝါတိုင်ကို ရေးမြို့နယ် တွင် ၄ တိုင်ရှိသော်လည်း သင်္ဃန်းကျွန်းကျေးရွာတို့တွင်  တာဝါတိုင် တစ်တိုင်မျှ မရှိခြင်း၊ လမိုင်းမြို့နယ်ခွဲတွင် ၃ တိုင်ရှိသော်လည်း  ခေါဇာမြို့နယ်ခွဲတွင် တစ်တိုင်မှမရှိသည်ကို လေ့လာသိရှိခဲ့ရပါကြောင်း၊ မိမိ၏မဲဆန္ဒနယ်ကို လူဦးရေ ထူထောင်ပြီး တစ်ရွာနှင့် တစ်ရွာ ဆက်သွယ်ရေးကောင်းမွန်စေရေးအတွက် တာဝါ တိုင်များ လုံလောက်စွာ စိုက်ထူရန် လိုအပ်လျက်ရှိနေသည် ကို လေ့လာသိရှိရ ပါကြောင်း၊ အိမ်ခြေ ၁၈၅၁ အိမ်၊ အိမ်ထောင်စု ၁၈၆၉ စုနှင့် လူဦးရေ ၁၁၁၀၁ ဦး ရှိသော ကော့တော့ စံပြကျေးရွာတွင် SIM Card များ ချပေးသော်လည်း တာဝါတိုင်မရှိ၍ ဆက်သွယ်မှုဧရိယာ မရှိသည့်အတွက် အသုံးပြုရန် အလွန်ခက်ခဲနေပါကြောင်း၊ ရေးမြို့နယ်သည် တောတောင်များ ပတ်လည်ဝန်းရံနေ၍ တာဝါတိုင်များ နေရာအနှံ့အပြား တပ်ဆင်၍ အဆင်ပြေနိုင်မည်ဖြစ်သောကြောင့် ရေးမြို့နယ်၊ လမိုင်းမြို့နယ် ခွဲနှင့် ခေါဇာမြို့နယ်ခွဲများအတွက် GSM တာဝါတိုင်နှင့် CDMA တာဝါတိုင်များ ထပ်မံဖြည့်စွက်ဆောင် ရွက်ပေးနိုင်ခြင်း အခြေအနေရှိ/မရှိ သိရှိလိုကြောင်း မေးမြန်းပါသည်။