(ဇ)-နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ အစိုးရလက်ထက်တွင်သိမ်းဆည်းခဲ့သည့်လိုင်စင်ဖြင့် ကိုင်ဆောင်ခဲ့သော သေနတ်များအား မူလပိုင်ရှင် သို့မဟုတ်အမွေဆက်ခံခွင့်ရှိသူအားပြန်လည်ပေး အပ်ရန်အစီအစဉ်ရှိ/မရှိနှင့်စပ်လျဉ်းသည့်မေးခွန်း
မိမိသည် ၂၁-၁၀-၂၀၁၃ ရက်နေ့တွင် ကျင်းပပြုလုပ်ခဲ့သော ပြည်သူ့လွှတ်တော် အစည်းအဝေးတွင် လိုင်စင်ဖြင့် ကိုင်ဆောင်ခဲ့သော သေနတ်များ သိမ်းဆည်းခဲ့ခြင်းနှင့် ပတ်သက်သည့်မေးခွန်းကို မေးမြန်းခဲ့ရာ ပြည်ထဲရေးဝန်ကြီးဌာန၏ ဖြေကြားမှုအပေါ် အဖြေကိုပိုမိုရှင်းလင်းစေရန်အတွက် တစ်ဆက်တစ်စပ်တည်း မေးခွန်း မေးမြန်းခဲ့ ပါကြောင်း။
အဆိုပါမေးခွန်းနှင့်စပ်လျဉ်း၍ ပြည်ထဲရေးဝန်ကြီးဌာန ဒုဝန်ကြီးက လက်နက်သိမ်း ဆည်းမှုနှင့်ပတ်သက်ပြီး ဆောင်ရွက်ခဲ့သည်မှာ ၁၉၉၈ ခုနှစ်၊ အောက်တိုဘာလ ၂၆ ရက်နေ့ကဖြစ်သည့်အတွက် စာရွက်စာတမ်း အထောက်အထားများကို ပြန်လည် ရှာဖွေပြီး ထပ်မံဖြေကြားမည်ဖြစ်ကြောင်းကို ပြောကြားခဲ့သောကြောင့် နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့အစိုးရလက်ထက်တွင် အမရပူရ မြို့နယ် အတွင်းရှိ လိုင်စင်ဖြင့် ကိုင်ဆောင်ခဲ့သော သေနတ် ၂၀ လက်ခန့်နှင့် နိုင်ငံအဝှမ်းလိုင်စင်ဖြင့် ကိုင်ဆောင် ခဲ့သော သေနတ်များအား သိမ်းဆည်းခဲ့ရာတွင် ၁၉၇၇ ခုနှစ်၊ လက်နက်ကိုင်ဆောင်ရေးမူ အပိုဒ် ၂၉နှင့် နောက် ဆက်တွဲ (တ-၁) တို့နှင့်အညီ အပ်နှံသိမ်းဆည်းခဲ့ခြင်းရှိ/မရှိ၊ ဟုတ်/မဟုတ် သိရှိလိုပါကြောင်း မေးမြန်းပါသည်။