မိမိတို့နိုင်ငံသည် ယခုအခါ စက်မှုလယ်ယာစနစ်ကို ပြောင်းလဲလုပ်ကိုင်နေသည့်အချိန် ဖြစ်ပါကြောင်း၊ လယ်ယာကဏ္ဍ၏ထုတ်ကုန်အရေအတွက် ပိုပြီးထုတ်လုပ်နိုင်ရေး၊ အရည်အသွေး ကောင်းသော ထုတ်ကုန်များထုတ်လုပ်နိုင်ရေးနှင့် ရာသီဥတုဖောက်ပြန်မှုဒဏ်ကို ကာကွယ်ရန် အတွက် အချိန်မီစိုက်ပျိုးရိတ်သိမ်းနိုင်ရေးတို့သည် အလွန်အရေးကြီးလှပါကြောင်း၊ လယ်ယာသုံး စက်ကိရိယာများ လုံလုံလောက်လောက်သုံးစွဲနိုင်မှသာ အထက်ပါအချက်များကို ထိထိ ရောက်ရောက် ဆောင်ရွက်နိုင်မည် ဖြစ်ပါကြောင်း၊ ထွန်ယက်သည့်အချိန်ကစတင်၍ ရိတ်သိမ်းပြီး ဈေးကွက်ရောက်သည့်အထိ စက်ကိရိယာများ လိုအပ်ပါကြောင်း၊ ယနေ့အချိန်တွင် လယ်ယာ လုပ်ငန်းတွင် လုပ်ကိုင်သောလုပ်သားရှားပါးလာသည့်အတွက် စက်ကိရိယာပိုမိုသုံးစွဲရပါကြောင်း၊ သို့သော် တောင်သူဦးကြီးများအနေဖြင့် ကိုယ်ပိုင်ဝယ်ယူသုံးစွဲနိုင်မှုရာခိုင်နှုန်း နည်းပါးပါကြောင်း၊ အထူးသဖြင့် ကောက်ကွက်ငယ်တောင်သူများအနေဖြင့် စက်မှုလယ်ယာဦးစီးဌာနက စက်များကို လည်း ငှားရမ်းရပါကြောင်း၊ ပုဂ္ဂလိကပိုင်ရှင်များထံကလည်း စက်များကို ငှားရမ်းပြီး အသုံးပြုကြ ရပါကြောင်း၊ ပုံမှန်အခြေအနေတွင် ခက်ခဲမှုနည်းပါးသော်လည်း ရာသီဥတုဖောက်ပြန်ပြီး ရိတ်သိမ်း သည့်အချိန်တွင် မိုးရွာပါက ကောက်ရိတ်စက်များ၊ Combine Herbal များ ငှားရမ်း၍မရသည့် အတွက် အခက်အခဲများကြုံတွေ့ရသည်မှာ ယခုနှစ်ပိုင်းများတွင် နှစ်စဉ်လိုဖြစ်နေပါကြောင်း၊ စက်မှု လယ်ယာဦးစီးဌာနကို အားကိုးသည့်အခါမှာလည်း စက်ကိရိယာအရေအတွက်နည်းပါးပြီး ပျက်စီး နေသည်မှာ များပြားပါကြောင်း၊ အချို့စက်များက ခေတ်မမီတော့သည့်အတွက် အပြည့်အဝ အားကိုး၍မရနိုင်ပါကြောင်း၊

ပဲခူးတိုင်းဒေသကြီးအနောက်ခြမ်းက လိုက်လံကောက်ရိတ်သိမ်းသော ကုမ္ပဏီများနှင့် ချိတ်ဆက်ပြီး ဆောင်ရွက်ရပါကြောင်း၊ အဓိက ရန်ကုန်တိုင်းဒေသကြီး၊ ဧရာဝတီတိုင်းဒေသကြီးတို့က ကောက်စောစပါးများဖြစ်သည့်အတွက် ၎င်းတို့ပြီးစီးသည့်အချိန်တွင် မိမိတို့ ပဲခူးတိုင်းဒေသကြီး အနောက်ခြမ်းက ငှားရမ်းသုံးစွဲရပါကြောင်း၊ ရာသီဥတုဖောက်ပြန်၍ အချိန်ကိုက်ရိတ်သိမ်းကြ ရပါက အလွန်အခက်အခဲတွေ့ရပါကြောင်း၊ ဥပမာအနေဖြင့် ပြည်မြို့နယ်တွင် ထွန်စက်ပေါင်း အစီး ၃၀ နှင့် ရိတ်သိမ်းခြွေလှေ့စက်ခြောက်စီး၊ ကောက်စိုက်စက်လေးစီး၊ စက်မှုလယ်ယာဦးစီးဌာနတွင် ရှိပါကြောင်း၊ မိမိတို့ တစ်ခရိုင်လုံးအတွက်၊ တစ်မြို့နယ်လုံးအတွက်သုံးစွဲရာတွင် အခက်အခဲ အလွန်များပြားပါကြောင်း၊ ယခုအချိန်တွင် စက်မှုလယ်ယာဦးစီးဌာနကတစ်ဆင့် အရစ်ကျဖြင့် ဝယ်ယူနိုင်သည့် အခြေအနေများကို ဝန်ကြီးဌာနက စီစဉ်ပေးထားပါကြောင်း၊ JICA ၏ Two Step Loan ချေးငွေအနေဖြင့်လည်း အဆိုပါစက်ကိရိယာများကို အရစ်ကျပေးစနစ်ဖြင့် ဝယ်ယူ၍ ရသော်လည်း ကိုယ်ပိုင်တစ်ဦးချင်း ဝယ်ယူရခြင်းတောင်မှ အခက်အခဲများလည်း ရှိပါကြောင်း၊ မိမိတို့ပြည်မြို့နယ်တွင် JICA Two Step Loan ဖြင့် ယခုအချိန်တွင် ကောက်ရိတ်စက်နှစ်စီးနှင့် ထွန်စက်ကြီးလေးစီး စုစုပေါင်း လုပ်ငန်းတောင်သူခြောက်ဦးသာ ချေးငွေဖြင့်ဝယ်ယူထားရ ပါကြောင်း၊ အစုအပေါင်း၊ အဖွဲ့နှင့်ဝယ်ယူရန်ဆိုသည်မှာ တောင်သူသုံးဦးက ၁၀ ဦးအထိ စုစည်းပြီး ချေးယူ၊ ဝယ်ယူရန် မိမိတို့တောင်သူများသည် ၎င်းချေးငွေအဆင့်ဆင့် မည်ကဲ့သို့ရရှိရန် ဆောင် ရွက်မည်နည်းဆိုသည့် လုပ်ငန်းစဉ်များသိရှိရန်၊ စုပေါင်းဆောင်ရွက်ရန် ညှိနှိုင်းတတ်ရန်လည်း အချိန်ယူရမည် ဖြစ်ပါကြောင်း၊ ထို့ကြောင့် စက်ကိရိယာဝယ်ယူရေးသည်လည်း နှောင့်နှေးနေသည့် အခြေအနေ ဖြစ်ပါကြောင်း၊ စက်မှုလယ်ယာဦးစီးဌာနကို အားကိုးပြန်တော့လည်း ဈေးနှုန်း အနေဖြင့် ပုဂ္ဂလိကနှင့် မကွာပါကြောင်း၊ ရိတ်သိမ်းသည့်အခါ တစ်ဧကကို ၃၈၀၀၀ ခန့်ပေးရပါ ကြောင်း၊ အကယ်၍ မိုးရွာသည့်အတွက် အပင်များလဲပါက ၄၀၀၀၀ နှင့် ၄၀၀၀၀ အထက် ပေးကြရသည့်အပြင် အာမခံ ဘယ်သူပေးမည်ဆိုသည့်အချက်များနှင့် မိမိတို့တောင်သူများသည် အလွန်အခက်အခဲတွေ့ရပါကြောင်း၊ အချို့စက်များကလည်း တစ်စီးကို ဧက ၂၀၀ သတ်မှတ် ထားခြင်းပြည့်ပါက ရိတ်ပေးရန်မရှိတော့သည့်သဘောမျိုးလည်း ဌာနအနေဖြင့်ဖြစ်သည့်အတွက် တောင်သူများ အလွန်အခက်အခဲကြုံရသည့်အတွက် (၁) စက်မှုလယ်ယာဦးစီးဌာနတွင် စက် ကိရိယာအရေအတွက်ကို ယခုထက် လုံလုံလောက်လောက် ပိုမိုတိုးမြှင့်ဖြည့်ပေးနိုင်ရန် အစီအစဉ် ရှိ/မရှိနှင့် (၂)အချက်က စက်ငှားရမ်းခနှုန်းထားများကို မည်ကဲ့သို့သတ်မှတ်ထားသနည်း၊ ငှားရမ်း သည့်အခါ မည်သည့်စနစ်ဖြင့် ငှားရမ်းသနည်းဆိုသည်ကို သိရှိလိုပါကြောင်း မေးမြန်းပါသည်။