(ဂ)-အုတ်ဖိုမြို့နယ်တွင်သစ်ခွဲသား အရောင်း ဆိုင်နှင့်နိုင်ငံပိုင်(သို့)ပုဂ္ဂလိကပိုင်သစ်ခွဲစက်များကို ဥပဒေနှင့်အညီ ခွင့်ပြုပေးနိုင်ရန် အစီအစဉ်ရှိ၊ မရှိ နှင့်စပ်လျဉ်းသည့် မေးခွန်း
ပဲခူးတိုင်းဒေသကြီး၊ အုတ်ဖို့မြို့နယ်တွင် လူဦးရေး ၁၂၆၆၅၉ ဦး၊ အိမ်ထောင်စု ၃၁၉၁၉ အိမ်၊ အိမ်ခြေပေါင်း ၃၁ ၉၀၀ ရှိပြီး ပဲခူးရိုးမကို အခြေပြုကာ သစ်တောကြိုးဝိုင်းများလည်း များစွာတည်ရှိသော ဒေသဖြစ်သည့် အတွက် မြို့နယ်အတွင်းရှိ အိမ်ထောင်စုများအနေဖြင့် သဘာဝဘေးအန္တရာယ်များနှင့် လူဦးရေ တိုးပွားလာခြင်း၊ အိမ်ခြေများတိုးချဲ့ ဆောက်လုပ်ခြင်း၊ နေအိမ်နှင့် ပရိဘောဂပြုလုပ်ခြင်းများအတွက် လိုအပ်လျက်ရှိသော သစ် များကို တရားမဝင်ခွဲစိတ်ရောင်းချသူများထံမှ ဝယ်ယူအသုံးပြုနေကြရပါကြောင်း၊ မြန်မာ့ဆိုရှယ်လစ် လမ်းစဉ် ပါတီခေတ်တွင် မြန်မာ့သစ်လုပ်ငန်း Corporation မှ သစ်ဆိုင်များဖွင့်လှစ်ရောင်းချပေးခဲ့ခြင်းကြောင့် ပြည်သူ များအနေဖြင့် အဆင်ပြေစွာဝယ်ယူ သုံးစွဲနိုင်ခဲ့ကြသော်လည်း ၁၉၈၈ နောက်ပိုင်းတွင် အဆိုပါ သစ်ဆိုင်များ ပိတ်သိမ်းခဲ့သည့်အတွက် ပဲခူးရိုးမအတွင်းမှ တရားမဝင်သစ်များကို ထုတ်ယူခြင်း၊ တရာမဝင်သစ်ခွဲစက်များ ခွဲစိတ် တည်ထောင်မှုများရှိလာပါကြောင်း၊ အဆောက်အဦဟောင်းများကို ပြုပြင်လိုသူများ၊ ပရိဘောဂများ ပစ္စည်းများကို ပြုလုပ်အသုံးပြုလိုသူများအနေဖြင့် သစ်ခွဲသားများတရားဝင် ဝယ်ယူရရှိရေးအတွက် အခက် အခဲ များဖြင့် ကြုံတွေ့နေကြခြင်းတို့ကြောင့် (၁) သက်ဆိုင်ရာဝန်ကြီးဌာနမှ သစ်ခွဲသားများ အရောင်းဆိုင်အား အုတ်ဖိုမြို့နယ်တွင် ဖွင့်လှစ်ရောင်းချခွင့်ပေးရန် အစီအစဉ် ရှိ/မရှိနှင့် ရှိပါက မည်သည့်အချိန်ကာလတွင် စတင် ရောင်းချပေးပါမည်နှင့် (၂) နေအိမ်ဟောင်းများနှင့်ပတ်ဝန်းကျင်ရှိ အခြားသစ်များကို ခွဲစိတ် အသုံးပြုနိုင်မည့် နိုင်ငံပိုင်(သို့မဟုတ်)ပုဂ္ဂလိကပိုင်သစ်ခွဲစက်များကို ဥပဒေနှင့် အညီတည်ဆောက်ခွင့်ပြု ပေးရန် အစီအစဉ်ရှိ/မရှိ တို့ကို သိရှိလိုပါကြောင်း မေးမြန်းပါသည်။