(ဃ)-လွိုင်လင်မြို့နယ်၊ မိုင်းပွန်အခြေခံပညာ အထက်တန်းကျောင်းတွင် တက္ကသိုလ်ဝင်စာမေးပွဲ ဖြေဆိုရန် မိုင်းပွန်စာစစ်ဌာနတစ်ခု ဖွင့်လှစ်ခွင့်ပြုပါရန် အစီအစဉ်ရှိ/မရှိနှင့် စပ်လျဉ်းသည့် မေးခွန်း
ရှမ်းပြည်နယ် (တောင်ပိုင်း)၊ လွိုင်လင်မြို့နယ်၊ မိုင်းပွန်ဒေသရှိ အခြေခံပညာအထက်တန်းကျောင်းမှ ကျောင်းသား/သူများသည် တက္ကသိုလ်ဝင်တန်းစာမေးပွဲကို ဝင်ရောက်ဖြေဆိုရန်အတွက် မိုင်းပွန်ဒေသမှ မိုင် ၂၀ အကွာအဝေးတွင်ရှိသည့် လွိုင်လင်စာစစ်ဌာနသို့ သွားရောက်ဖြေဆိုရာတွင် သွားရေးလာရေး၊ တည်းခိုနေထိုင်ရေး၊ ချက်ပြုတ်စားသောက်ရေးအစရှိသည့် အခက်အခဲအမျိုးမျိုးကို ကြုံတွေ့နေရပါကြောင်း၊ မိုင်းပွန်အခြေခံပညာ အထက်တန်းကျောင်းတွင် တက္ကသိုလ်ဝင်တန်း စာဖြေဌာနတစ်ခု ဖွင့်လှစ်ပေးနိုင်ပါရန် သက်ဆိုင်ရာကို တင်ပြပေးပါရန် တင်ပြလာပါသဖြင့် သက်ဆိုင်ရာဌာနသို့ ရှမ်းပြည်နယ် (တောင်ပိုင်း)၊ လွိုင်လင်မြို့နယ်၊ မိုင်းပွန်အခြေခံပညာ အထက်တန်းကျောင်းတွင် တက္ကသိုလ်ဝင်စာမေးပွဲ ဖြေဆိုရန် မိုင်းပွန်စာစစ်ဌာနတစ်ခု ဖွင့်လှစ်ခွင့်ပြုရန် အစီအစဉ်ရှိ/မရှိ၊ အစီအစဉ်ရှိပါက မည်သည့်ပညာသင်နှစ်တွင် ဖွင့်လှစ်ခွင့်ပြုမည်နှင့် အစီအစဉ်မရှိပါက မည်သည့်အတွက်ကြောင့် ဖြစ်သည်ကို သိရှိလိုပါကြောင်း မေးမြန်းပါသည်။