ရခိုင်ပြည်နယ်မြို့နယ်များအတွင်း NGO, INGOနှင့် အချို့အဖွဲ့အစည်းများသည် ရခိုင်ပြည်နယ်မြောက်ပိုင်း မောင်တော၊ ဘူးသီးတောင်မြို့နယ် များတွင် နှစ်ပေါင်းကြာမြင့်စွာ လူ့အဖွဲ့အစည်းများတွင် ဝင်ရောက်လှုပ်ရှားလျက် ရှိခဲ့ကြသည့်အပြင် ရှိနေဆဲပင်ဖြစ်ပါကြောင်း၊ UNHC အဖွဲ့အစည်းသည် ၁၉၇၈-၁၉၇၉ ခုနှစ်မှ ယခုအချိန်အထိ နှစ်ပေါင်း ၃၅ နှစ်ကျော် ဝင်ရောက်လုပ် ကိုင် ဆောင်ရွက်နေသည်ကို လေ့လာတွေ့ရှိရပါကြောင်း၊ နှစ်ပေါင်း ၃၅ နှစ်အတွင်း လုပ်ကိုင်ခဲ့သည့်အပေါ် ရခိုင်ပြည်နယ်၏ကောင်းကျိုး၊  ဆိုးကျိုးများကို မိမိတို့ အနေဖြင့် မည်သည်ကိုမျှ သိခွင့်မရှိခဲ့ပါကြောင်း၊ ရခိုင်ပြည်နယ် ၏ ဒေသဖွံ့ဖြိုးတိုး တက်ရေးအတွက် အစိုးရအဖွဲ့အစည်းများသာမက တစ်ခြားအကူ အညီပေးနိုင်သော NGO အဖွဲ့အစည်းများပါ ပါဝင်ကူညီလုပ်ဆောင်မှု လို အပ်ပါကြောင်း၊ သို့ရာတွင်အချို့သော NGO အဖွဲ့အစည်းများအနေဖြင့် လူမှုရေး လုပ်ငန်းများ ကျော်လွန်ပြီး မလိုလားအပ်သော ပဋိပက္ခများဖြစ်ပေါ် သည့် ဖြစ်စဉ်များတွင် ၎င်း NGO အဖွဲ့အစည်းများမှ ဝန်းထမ်းအချို့ ပါဝင်ပတ်သက်ခဲ့ကြောင်းကို  သက်ဆိုင်ရာမှဖော်ထုတ်နိုင်ခဲ့ပြီး အရေးယူ အပြစ်ပေးခံရသည်အထိ ရှိခဲ့ပါကြောင်း၊ ယခုအချိန်တွင် ရခိုင်ပြည်နယ် တွင် ဖြစ်ပေါ်ခဲ့သော ပဋိပက္ခများကို အကြောင်းပြုပြီး အစိုးရမဟုတ်သော အဖွဲ့အစည်းတစ်ခုမှ လူသားချင်း စာနာမှုကို အကြောင်းပြ၍ လူ့အခွင့်အရေးများနှင်‌့ ဆက်စပ်ပြီး သင်ကြားပို့ချနေ သည်ကို လည်း ပြင်ပသတင်းများ အရ သိရှိနေရပါကြောင်း၊ ရခိုင်ပြည်နယ်တွင် ဝင်ရောက်လှုပ်ရှားလျက်ရှိကြသော NGO, INGO များကို အထူးကြပ်မတ် စိစစ်ပြီးမှသာ  လုပ်ကိုင်ဆောင်ရွက်ပေးသင့်ပါကြောင်း၊ သို့ဖြစ်ပါ၍ ရခိုင်ပြည်နယ်အတွင်း ပါဝင်ဆောင်ရွက်နေကြသော NGO, INGO အဖွဲ့အစည်းအရေအတွက် မည်မျှရှိသည်၊ မည်သည့် စည်းကမ်း ချက်များနှင်‌့ စိစစ်၍ မည်သည့်ဝန်ကြီးဌာနမှ ခွင့်ပြုချက်ပေးသည်၊ အချိန်ကာလသတ်တမ်းကို မည်သို့သတ်မှတ်ပြီး မည်မျှလုပ်ကိုင်ခွင့်ပေးသည်၊ ကိုင်တွယ်သုံးစွဲနေသော ဘတ်ဂျတ်ငွေ အသုံးစရိတ်များကို အခြေခံအရင်း အမြစ်များနှင့် လားရာများကို စုံစမ်းစိစစ်မှုရှိ/မရှိနှင့် လက်ရှိလူသားချင်း စာနာမှုလုပ်နေသော အဖွဲ့အစည်း အချို့သည် လူ့အခွင့်အရေးများကို အကြောင်းပြ၍ ဆောင်ရွက်လုပ်ကိုင် ပတ်သက်နေမှုများအပေါ် စိစစ် စစ်ဆေးမှု များ ရှိ/မရှိ သိလိုကြောင်းမေးမြန်းပါသည်။