အမေရိကန်နိုင်ငံ၏ လွတ်လပ်ရေးကြေညာစာတမ်းကို ပါဝင်လက်မှတ်ရေးထိုးကြသည့် အမေရိကန် နိုင်ငံ၏ Founding Father တစ်ယောက်ဟုလည်းခေါ်ဆိုနိုင်သော တတိယမြောက် သမ္မတကြီး သော(စ်)မတ်ဂျဖာဆင်ပြောခဲ့သည့် ကမ္ဘာကျော်စကား တစ်ခွန်းရှိပါကြောင်း၊ အစိုးရရှိပြီး သတင်းစာမရှိသည့်နိုင်ငံနှင့် သတင်းစာရှိပြီး အစိုးရမရှိသည့်နိုင်ငံနှစ်ခုကို ရွေးချယ်ခိုင်းမည်ဆိုပါက ၎င်းက သတင်းစာရှိပြီး အစိုးရမရှိသောနိုင်ငံကိုသာရွေးချယ်မည်ဟု ဖြေကြားခဲ့ပါကြောင်း၊ ကမ္ဘာ့ သတင်းစာလောကတွင် ထင်ရှားသည့်စကားတစ်ခွန်းဖြစ်ပါကြောင်း၊ သတင်းစာများနှင့် ပတ်သက်ပြီး ပြောဆိုသည်မှာ အနည်းငယ်များသည်၊ အစွန်းရောက်သည်ဟု ယူဆကောင်းယူဆနိုင်ပါကြောင်း၊ သို့သော် ယနေ့အမေရိကန်ပြည်ထောင်စုသည် ကမ္ဘာပေါ်တွင် စစ်ရေးသာမကစီးပွားရေးပါ အင်အား အကောင်းဆုံးနိုင်ငံတစ်ခုဖြစ်လာသည်မှာ တတိယမြောက်သမ္မတကြီး၏အတွေးအခေါ်နှင့်ဆက်စပ် နေသလားဆိုသည်ကို စဉ်းစားတွေးတောသင့်ပါကြောင်း၊ မိမိတို့ဒီမိုကရေစီနိုင်ငံတစ်ခုတွင် နိုင်ငံတော်အစိုးရက ပြည်သူ့ဘဏ္ဍာငွေဖြင့်သတင်းစာထုတ်ဝေသည့်ကိစ္စကို မိမိက လက်မခံသည့် သူတစ်ယောက်ဖြစ်သော်လည်း မိမိတို့နိုင်ငံသည် ယခုအချိန်တွင် ဒီမိုကရေစီနိုင်ငံပြည့်ပြည့်ဝဝ မဖြစ်သေးပါကြောင်း၊ Transactional Period Democracy စနစ် ပန်းတိုင်ဆီကို ဦးတည်ပြီး သွားနေသောနိုင်ငံတစ်ခုသာ ဖြစ်သည့်အတွက် နိုင်ငံတော်အစိုးရက ပြည်သူ့ဘဏ္ဍာဖြင့့်် သတင်းစာ များ ထုတ်ဝေနေသည့်ကိစ္စကို ဘာမှအငြင်းမပွားလိုသော်လည်း မိမိတို့နိုင်ငံ၌ ၂၀၁၀ ခုနှစ်တွင် ပါတီစုံလွှတ်တော်ပေါ်လာပါကြောင်း၊ ၎င်းနောက်လိုအပ်သည့်အတွက် ပုဂ္ဂလိကသတင်းစာများကို ၂၀၁၃ ခုနှစ် ဧပြီလတွင်စတင်ပြီး ထုတ်ယူခွင့်ပြုလိုက်ပါကြောင်း၊ လျှောက်ထားသည့်သတင်းစာ ၄၄ စောင်ရှိသော်လည်း အမှန်တကယ်ထုတ်နိုင်သည့်သတင်းစာက အဆိုပါ အရေအတွက် လောက် မရှိပါကြောင်း၊ ယခုအချိန်တွင် အားလုံးသိကြသည့်အတိုင်း သတင်းစာအရေအတွက်က လက် ၁၀ ချောင်းမပြည့်သည့်အနေအထား ရောက်နေပြီဖြစ်ပါကြောင်း၊ ၎င်းသတင်းစာများက လည်း အခက်အခဲများ အထူးသဖြင့် ဘဏ္ဍာရေးအခက်အခဲများနှင့် ကြုံတွေ့နေရပါကြောင်း၊ အထူးသဖြင့် ပုဂ္ဂလိကသတင်းစာများသည် မိမိတို့ ဒီမိုကရေစီနိုင်ငံ၏ကျက်သရေမင်္ဂလာများ ဖြစ်ပါကြောင်း၊ ပုဂ္ဂလိကသတင်းစာများ အားနည်းနေပါက မိမိတို့နိုင်ငံ၏ပုံရိပ်ကလည်း ညိုှးနွမ်းနေ မည် ဖြစ်ပါကြောင်း၊ ပုဂ္ဂလိကသတင်းစာ ထုတ်ဝေသူများခံစားနေကြရသည်မှာ နိုင်ငံတော်အစိုးရ က ပြည်သူ့ဘဏ္ဍာငွေဖြင့်ထုတ်ဝေနေသည့် အစိုးရသတင်းစာများနှင့် ပြိုင်ဆိုင်သည့်အခါ Fairly မဖြစ်၊ တရားမျှတစွာပြိုင်ဆိုင်နိုင်ခွင့်မရှိဟူသည် ခံစားချက်များ ရှိနေပါကြောင်း၊ နိုင်ငံတော် အစိုးရက ထုတ်ဝေသည့်သတင်းစာများက Infrastructure လည်း များစွာရှိပါကြောင်း၊ တိုက်ခွဲများ လည်း များစွာရှိပါကြောင်း၊ ဈေးနှုန်းကလည်း သက်သာသည့်အတွက် ကြော်ငြာများကလည်း များစွာရှိပါကြောင်း၊ နိုင်ငံတော်အစိုးရက ထည့်သည့်ကြော်ငြာများကလည်း အစိုးရကထုတ်ဝေ သည့် သတင်းစာများတွင်သာ ထည့်သွင်းရသည့်အနေအထားဖြစ်နေသည့်အတွက် ပုဂ္ဂလိက သတင်းစာများသည် နိုင်ငံပိုင်သတင်းစာများနှင့်ပြိုင်ဆိုင်သည့်အခါ Heavy Weight လက်ဝှေ့ သမားနှင့် Thin Weight လက်ဝှေ့သမား ထိုးနေရသည့်ပုံစံမျိုး မမျှမတယှဉ်ပြိုင်နေရသည့်အတွက် မျှမျှတတဖြစ်အောင် နိုင်ငံတော်အစိုးရအနေဖြင့် ပုဂ္ဂလိကသတင်းစာများဖွံ့ဖြိုးစည်ပင် ရှင်သန် လာစေရန် လုပ်ဆောင်ပေးရန်အတွက် အစီအစဉ်ရှိ/မရှိ သိရှိလိုပါကြောင်း၊ ၂၀၁၅ ခုနှစ်တွင် မိမိတို့နိုင်ငံတွင် Competition Law ဟူ၍ ပြိုင်ဆိုင်နိုင်ခွင့်ဥပဒေကို ပြဋ္ဌာန်းခဲ့ပါကြောင်း၊ အဆိုပါဥပဒေတွင် လွတ်လပ်စွာ၊ တရားမျှတစွာပြိုင်ဆိုင်ရမည်ဟု ပါရှိထားသော်လည်း ပုဂ္ဂလိက သတင်းစာထုတ်ဝေသူများက အစိုးရကထုတ်ဝေသည့်သတင်းစာများသည် ၎င်းတို့ပေါ်တွင် ဈေးကွက်အသာစီးယူပြီး မမျှမတအနိုင်ယူနေသည်ဟု ခံစားနေရပါကြောင်း၊ ၎င်းနှင့်ပတ်သက်ပြီး နိုင်ငံတော်အစိုးရ၏အဖြေကိုလည်း သိရှိလိုပါကြောင်း၊ ပုဂ္ဂလိကသတင်းစာများ ဖွံ့ဖြိုးစည်ပင် ဝေဆာလာစေရန် နိုင်ငံတော်အစိုးရတွင် ကြံစည်ထားသောအစီအမံများ ရှိ/မရှိ သိရှိလိုပါကြောင်း မေးမြန်းပါသည်။