သတင်းအချက်အလက် ရယူပိုင်ခွင့်ဆိုသည်မှာ မိမိတို့၏အခြေခံအခွင့်အရေး ဖြစ်သည့်အပြင် အခြေခံလူ့အခွင့်အရေးလည်း ဖြစ်သည်ကို လူ့အခွင့်အရေး၏ အပိုဒ် ၁၉ တွင်လည်း ဖော်ပြထားပြီး ဖြစ်ပါကြောင်း၊ အစိုးရက ပြည်သူ့အတွက်ဝန်ဆောင်မှုများပေးရန်နှင့် တိုင်းပြည်ဖွံ့ဖြိုးတိုးတက်ရေး အတွက် ပြည်သူများက ရွေးကောက်တင်မြှောက်ပေးထားခြင်းဖြစ်ပြီး အစိုးရဝန်ထမ်းများက တိုင်းပြည်၏ဝင်ငွေများ၊ ရင်းမြစ်များကိုအသုံးပြုပြီး တိုင်းပြည်တိုးတက်စေရန်အတွက် အားထုတ် လုပ်ဆောင်ရန် ပြည်သူမှအခွင့်အာဏာအပ်နှင်းထားခြင်း ဖြစ်သည်ဆိုသည့် အခြေခံအချက်အလက်များကို နားလည်သဘောပေါက်မှုအားနည်းခြင်း၊ လိုက်နာကျင့်သုံးမှု မရှိခြင်းတို့ကြောင့် ကိုယ်စားလှယ်များ၏ အချက်အလက်များတောင်းသည့်အခါတွင် နှောင့်နှေးကြန့်ကြာခြင်း၊ အနှောင့်အယှက်ဖြစ်ရခြင်းများလည်း များစွာကြုံတွေ့နေရသည့် အတွက်ကြောင့် ဒီမိုကရေစီအသွင် ကူးပြောင်းရန်အတွက် သတင်းအချက်အလက် ရယူပိုင်ခွင့်နှင့်ပတ်သက်ပြီး ဘတ်ဂျက်ပွင့်လင်းမြင်သာမှု၊ ပြည်သူ့ဘဏ္ဍာရေးစီမံခန့်ခွဲမှု၊ အခွန်ကောက်ခံရရှိမှု၊ အများပြည်သူသက်ဆိုင်သော ဝန်ဆောင်မှု လုပ်ငန်းများနှင့် စပ်လျဉ်းပြီး သတင်းအချက်အလက်များကို ပြည်သူများရယူပိုင်ခွင့်ရှိပါကြောင်း၊ ဒီမိုကရေစီစနစ်ကျင့်သုံးသော နိုင်ငံအများစုတွင် သတင်းအချက်အလက် ရယူပိုင်ခွင့်နှင့်ပတ်သက်ပြီး သီးခြားဥပဒေပြဋ္ဌာန်းခြင်း၊ ဖွဲ့စည်းပုံအခြေခံဥပဒေ ထည့်သွင်းခြင်းများ ပြုလုပ်ထားပြီးဖြစ်သည့်အပြင် သတင်းအချက်အလက် ရယူပိုင်ခွင့်နှင့်ပတ်သက်ပြီး အကျိုးကျေးဇူးများ၊ အဂတိလိုက်စားမှုများလည်း လျော့နည်းသွားစေနိုင်ခြင်း၊ ပြည်သူလူထု၏ ပူးပေါင်းပါဝင်မှုများ မြင့်တက်စေနိုင်ခြင်း၊ နိုင်ငံတော်အစိုးရ၏ တာဝန်ယူမှု၊ တာဝန်ခံမှုများ ပိုမိုအားကောင်းလာနိုင်ခြင်း၊ စီးပွားရေးလုပ်ငန်းများအတွက်လည်း ပိုမိုထိရောက်စွာလုပ်ကိုင်နိုင်ခြင်း၊ မျှတသည့်ယှဉ်ပြိုင်မှုများ ပိုမိုဖြစ်ပေါ်လာနိုင်ခြင်း၊ လူ့အခွင့်အရေးချိုးဖောက်မှုများလည်း လျော့နည်းသွားစေနိုင်ခြင်း၊ ဖွံ့ဖြိုးရေးလုပ်ငန်းများ ပိုမိုအားကောင်းလာပြီး ပြည်သူပူးပေါင်းပါဝင်သည့်အတွက် ပိုမိုတိုးတက်လာသည့်အတွက် အကျိုးကျေးဇူးများလည်း ရရှိမည်ဖြစ်ပါကြောင်း၊ သတင်းအချက်အလက် ရယူပိုင်ခွင့်နှင့် ပတ်သက်ပြီး လွန်ခဲ့သည့် နှစ်ပေါင်း ၂၅၀ လောက်ကတည်းက ဆွီဒင်နိုင်ငံတွင် ပြဋ္ဌာန်းပေးနိုင်ခဲ့ပြီး ၁၉၆၆ ခုနှစ် အမေရိကန်နိုင်ငံ၊ ၁၉၈၃ ခုနှစ်တွင် ကနေဒါနိုင်ငံနှင့် မိမိတို့၏ အိမ်နီးချင်းနိုင်ငံဖြစ်သည့် ထိုင်းနိုင်ငံမှ ၁၉၉၇ ခုနှစ်တွင် ပြဋ္ဌာန်းပြီး ၎င်း သတင်းအချက်အလက် ရယူပိုင်ခွင့်ဥပဒေကြောင့် ဒီမိုကရေစီပိုမို အားကောင်းလာပြီး အဆင်ပြေချောမွေ့မှုများ ဖြစ်ပေါ်လာသည့် သာဓကများရှိခဲ့သည့်အတွက် ယခုအခါ နိုင်ငံပေါင်း ၁၂၀ ခန့်တွင် ၎င်းဥပဒေပြဋ္ဌာန်းပေးပြီး ကမ္ဘာ့လူဦးရေ၏ ၈၀ ရာခိုင်နှုန်းကို လွှမ်းခြုံနိုင်ပြီဟုလည်း သိရပါကြောင်း၊ တင်းအချက်အလက် ရယူပိုင်ခွင့်ကြောင့် အုပ်ချုပ်ရေး လုပ်ထုံးလုပ်နည်းများ ပြောင်းလဲလုပ်ဆောင်ပြီး ပွင့်လင်းမြင်သာမှုများ အားကောင်းလာခဲ့ပါကြောင်း၊ မိုကရေစီအသွင် ကူးပြောင်းရန်အတွက် များစွာအထောက်အကူဖြစ်သည်ကို လေ့လာတွေ့ရှိရပါကြောင်း၊ အိမ်နီးချင်းနိုင်ငံဖြစ်သည့် အိန္ဒိယနိုင်ငံတွင် မည်သည့်နိုင်ငံသားမဆို အစိုးရထံတွင် သတင်းအချက်အလက် တောင်းယူပိုင်ခွင့် ရှိသည်ဆိုသည်ကို ၂၀၀၅ ခုနှစ်တွင် ပြဋ္ဌာန်းပေးခဲ့ပါကြောင်း၊ အစိုးရအဖွဲ့သည် ရက်ပေါင်း ၃၀ အတွင်း အကြောင်းပြန်ပေးရမည် ဆိုသည့်အကြောင်းလည်း ပါရှိပါကြောင်း၊ ၂၀၀၇ ခုနှစ် နိပေါနိုင်ငံတွင် ပြဋ္ဌာန်းပေးနိုင်ခဲ့ပြီး သတင်း အချက်အလက်တောင်းဆိုခြင်း မရှိပါက အစိုးရက ပုံမှန် သို့မဟုတ် အခါအားလျော်စွာ အချက်အလက်များကို ထုတ်ပြန်ပေးရမည်ဟု ပါရှိပါကြောင်း၊ အမျိုးသားသတင်းအချက်အလက် ကော်မရှင် တည်ထောင်ခဲ့ပါကြောင်း၊ ၂၀၀၈ ခုနှစ် အင်ဒိုနီးရှားနိုင်ငံတွင် ပြဋ္ဌာန်းပေးခဲ့ပြီး တောင်းဆိုသော သတင်းအချက်အလက်များကို ၁၀ ရက်အတွင်း အကြောင်းပြန်ပေးရမည်ဟု ပါရှိပါ ကြောင်း၊ ပြန်ကြားရေးကော်မရှင်ကို သမ္မတက ခန့်အပ်ပေးခဲ့ပါကြောင်း၊ ၂၀၀၇ ခုနှစ် သီရိလင်္ကာတွင် ပြဋ္ဌာန်းပြီး မည်သည့်နိုင်ငံသားမဆို သတင်းအချက်အလက် တောင်းဆိုခြင်းကို ၂၈ ရက်အတွင်း အစိုးရမှ အကြောင်းပြန်ပေးရမည်ဆိုပြီး RTI ကော်မရှင်ကို ဖွဲ့စည်းပုံအခြေခံဥပဒေ ကောင်စီကနေပြီး ခန့်အပ်ခဲ့ပါကြောင်း၊ ကျွန်မတို့နိုင်ငံမှာလည်း သတင်းအချက်အလက် ရယူပိုင်ခွင့်နှင့် ပတ်သက်ပြီး ဥပဒေပြဋ္ဌာန်းပေးရန် လိုအပ်နေပြီး ဥပဒေမပြဋ္ဌာန်းခင် ပြည်သူများ၏ အခြေခံအခွင့်အရေးဖြစ်သည့် သတင်းအချက်အလက် ရနိုင်ရန်အတွက် ဌာနဆိုင်ရာ အသီးသီးကို လိုအပ်သည့် ညွှန်ကြားမှုများ ပြုလုပ်ပေးရန်အတွက် လိုအပ်နေပြီဖြစ်သည့်ပ အတွက်ကြောင့် ပြည်သူများကိုယ်စား မေးမြန်းပါသည်။