မြန်မာနိုင်ငံတွင် လမ်းများခိုင်ခံ့ရန်၊ မော်တော်ယာဉ်များ လမ်းချော်တိမ်းမှောက်ခြင်းမှ ကာကွယ်ရန်နှင့် ယာဉ်များ သွားလာရာတွင် လွယ်ကူချောမွေ့ရန်၊ ခရီးသွားပြည်သူများ ယာဉ်များအပေါ်တွင် လိုက်ပါစီးနင်းရာတွင် သက်တောင့်သက်သာဖြစ်စေရန်အတွက် အက်အော့ဘီကျူအိုင် ဟုခေါ်သည့် ကတ္တရာကို နှစ်ပေါင်းများစွာကပင် အသုံးပြုခဲ့ပါကြောင်း၊ ထိုသို့အသုံးပြုလျက် ရှိသော ကတ္တရာကို ပြည် တွင်းရေနံချက် စက်ရုံများမှ ထုတ်လုပ်သုံးစွဲခြင်း သို့မဟုတ် ပြည်ပမှ မှာယူတင်သွင်းခြင်း ရှိ/မရှိကို သိရှိလိုပါကြောင်း၊ ကတ္တရာကို ရောင်းချရာတွင် အဆင့်မီ International Brand ထုတ်လုပ်ရောင်းချသောကုမ္ပဏီများလည်း ရှိနေသည်ကို သိရှိရပါကြောင်း၊ နိုင်ငံတကာရောင်းဝယ်ရေးတွင် ပစ္စည်းဝယ်ယူရာ၌ နိုင်ငံတကာ ကျင့်သုံးသော စံချိန်စံနှုန်း (Specification) ကို Third Party ဟုခေါ်သော စံချိန် စံညွှန်းစိစစ်သည့် ကုမ္ပဏီများက စစ်ဆေးပြီး အရည်အသွေးမမှားစေရန် ဝယ်ယူကြခြင်းကို ကမ္ဘာ့နိုင်ငံအများ ကျင့်သုံးကြပါကြောင်း၊ ဥပမာအားဖြင့် မြန်မာနိုင်ငံတွင် SGS Third Party Inspection ကုမ္ပဏီများရှိကြပါကြောင်း။

အဆိုပါကိစ္စနှင့်ပတ်သက်၍ ပြည်ပမှတင်သွင်းသော ကတ္တရာများရှိသည်ဆိုပါက (၁) ပြည်ပမှ ကတ္တရာကို မည်သည့်ကုမ္ပဏီများထံမှ ဝယ်ယူသည်ကို သိရှိလိုပါကြောင်း၊ (၂) ဝယ်ယူသော ကတ္တရာအရည်အသွေးကို Third Party Inspection ကုမ္ပဏီနှင့် စံချိန်စံညွှန်းစစ်ဆေးမှုရှိ/မရှိ၊ (၃) အရည်အသွေးကို မူရင်းဆိပ်ကမ်း Loading Port တွင်စစ်ပါသလား။ သို့မဟုတ် ရန်ကုန်ဆိပ်ကမ်းရောက်မှ စစ်ပါသ လား။ (၄) စံချိန် စံညွှန်းမကိုက်သော ကိစ္စများ ရှိ/မရှိ၊ မကိုက်ညီသောကိစ္စများက မည်သို့ဆောင်ရွက်နေသည်ကို သိရှိလိုကြောင်း မေးမြန်းပါသည်။