(င)- ရေးမြို့နယ်တွင် ခုတင်(၁၀၀)ဆံ့ ဆေးရုံ(၁)ရုံ တည်ဆောက်ပေးရန်၊ ဆေးပစ္စည်းကိရိယာများ လုံလောက်စွာဖြည့်စွက်ပေးရန်နှင့်လမိုင်းမြို့နယ် ခွဲနှင့်ခေါဇာမြို့နယ်ခွဲတို့တွင်(၁၆)ခုတင်မှ(၂၅)ခုတင် ဆံ့ ဆေးရုံအဆင့်သို့ တိုးမြှင့်ပေးရန် အစီအစဉ်ရှိ/ မရှိနှင့် စပ်လျဉ်းသည်
မွန်ပြည်နယ်၊ ရေးမြို့နယ်တွင် ခုတင် ၅၀ ဆေးရုံတွင် လူနာများအတွက် လိုအပ်နေသော စက်ပစ္စည်း ကိရိယာများ လုံလောက်မှုမရှိပါကြောင်း၊ အရေးပေါ် လူနာများကို မော်လမြိုင်မြို့သို့ တစ်လလျှင် ၄၊ ၅ ခေါက်ခန့် ပို့ဆောင်နေရသည့်အပြင် တစ်ခါတစ်ရံ ရန်ကုန်ဆေးရုံကြီးသို့ ပို့ဆောင်နေရသည်ကိုလည်း လေ့လာတွေ့ရှိ ရပါကြောင်း၊ မော်လမြိုင်သို့သွားမည်ဆိုပါက ကားခ ၉၀၀၀၀ မှ ၁၀၀၀၀၀ ကြား၊ ရန်ကုန်မြို့သို့သွားမည်ဆိုပါက ၂၅၀၀၀၀ မှ ၃၀၀၀၀၀ ကြား ပေးဆောင်ရပါကြောင်း၊ မိမိတို့၏ လူဦးရေထူထပ်သော ရေးမြို့တွင် ခုတင် ၁၀၀ ဆေးရုံတစ်ရုံ တည်ဆောက်ပေးရန် အစီအစဉ် ရှိ/မရှိ၊ ဆေးရုံတွင် လိုအပ်နေသော ဆေးပစ္စည်း ကိရိယာများ လုံလောက်စွာဖြည့်စွက်ပေးရန် အစီအစဉ် ရှိ/မရှိ၊ ရေးမြို့နယ်၊ လမိုင်းမြို့နယ်ခွဲနှင့် ခေါစာမြို့နယ်ခွဲတို့တွင် ၁၆ ခုတင်မှ စံကိုက် ၂၅ ခုတင် ဆေးရုံအဆင့်သို့ တိုးမြှင့်ပေးရန် အစီအစဉ် ရှိ/မရှိ၊ အစီအစဉ်ရှိပါက မည်သည့် အချိန် တွင် ဆောင်ရွက်ပေးမည်နှင့် အစီအစဉ်မရှိပါက အဘယ့်ကြောင့်မရှိသည်ကို သိရှိလိုကြောင်း မေးမြန်းပါသည်။