ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နေ ဒေါ်အေးအေးမူပါ ခုနစ်ဦးတို့သည် လွန်ခဲ့သော နှစ် ၇၀ ကျော်ပြည်သူပိုင်မသိမ်မီကတည်းက အစဉ်အဆက်ရော်ဘာစက်ရုံကွင်းနှင့် ဆက်စပ်မှုမရှိဘဲ သီးခြားနေထိုင်ခဲ့ သူများဖြစ်ခြင်း၊ စက်ရုံကို ပြည်သူပိုင် သိမ်းစဉ်က စက်ရုံမြေနှင့် လူနေအိမ်များ အကြား သစ်သားတိုင်နှင့် သံဆူး ကြိုးကာ၊ ခြံစည်းရုံးရှိခဲ့ခြင်း၊ ၁၉၈၃ ခုနှစ်တွင် စက်ရုံမှူးမှ ပျက်စီးနေ သည့် ခြံစည်းရိုးကို အနီးနေ ပြည်သူများ၏ သဘောတူညီချက်ဖြင့် အုတ်တံတိုင်းကာရံခဲ့ခြင်း၊ ၁၀-၈-၂၀၀၁ နေ့တွင် စက်ရုံကတစ်ဖက် သတ် လျှောက် ထားပြီး  ယခုအခါတွင် ဘိုးဘွားစဉ်ဆက်နေထိုင်ခဲ့သူများကို ကျူးကျော်သူဟုသတ်မှတ်၍ ဖယ်ရှားပေးရန် နှုတ်ထွက်စာများ မကြာခဏထုတ်ဆင့်ခြင်းများကြောင့် လက်ရှိအိမ်ထောင်စု ခုနစ်စု၏ မိသားစုဝင်များအနေဖြင့် နစ်နာမှုများ ခံစားနေရသည်ကို သိရှိခြင်းရှိ/မရှိနှင့် အဆိုပါအိမ်ထောင်စု (၇)စုသည် ၁၉၄၆-၁၉၄၇၊ ရန်ကုန် ဆင်ဖြေဖုန်းကျေးရွာ၊ နံပါတ်(၁၅၆)၊ ဘောက်ထော်ရွာသူကြီးအပိုင် မြေပုံညွှန်းအရ  စက်ရုံမြေနှင့်လူနေမြေ သီးခြားဖော်ပြထားသောကြောင့် ပြည်ထောင်စုသမ္မတမြန်မာ နိုင်ငံတော်ဖွဲ့စည်းပုံအ‌ခြေခံ ဥပဒေ ၂၀၀၈ ခုနှစ်၊ ပုဒ်မ ၃၅၆ အရ နိုင်ငံသားများ၏ တရားဝင်ရပိုင်ခွင့် ရှိသော မရွှေ့မပြောင်းနိုင်သော ပစ္စည်းနှင့်စပ်လျဉ်း၍ ဥပဒေအရ အကာအကွယ်ပေးရန် အစီအစဉ် ရှိ/မရှိ သိရှိလိုပါကြောင်းမေးမြန်းပါသည်။