မြန်မာပြည်အရပ်ရပ်မှ ဘုရားဖူးများ၊ နိုင်ငံခြားသားခရီးသွားများ လာရောက် ဖူးမြော် လေ့လာလျက်ရှိသော ရှေးဟောင်းသမိုင်းဝင် မွေတော်ကက္ကူ စေတီတော်မြတ် ကြီးသည် တောင်ကြီး-ကျောက်တစ်လုံး ကားလမ်းမပေါ်တည်ရှိပြီး ကျောင်းထိုလမ်းခွဲမှ အတွင်းသို့ ၄ မိုင် ဝင်ရပါကြောင်း၊ ယင်းလမ်းသည် ဒေသခံတိုင်းရင်းသားတို့မှ ကိုယ့်အားကိုယ်ကိုး ဖောက်လုပ်ထားပြီး တောင်ကြီးစည်ပင်မှ ကတ္တရာလမ်း ခင်း ထားပေးသော လမ်းဖြစ်ပါကြောင်း၊ ယခုအခါ အဆိုပါလမ်းပိုင်းသည် ဆိုးရွားစွာ ပျက်စီး ယိုယွင်းလာပြီး ချိုင့်ခွက်များဖြစ်ပေါ်နေသောကြောင့် ဆောက်လုပ်ရေးဝန်ကြီးဌာနမှ တာဝန်ယူ ဆောင်ရွက်ပေးရန်နှင့် အဆင့်မြှင့်တင်ပေးရန် ဒေသခံများမှ လိုလား ပါကြောင်း၊ သို့ဖြစ်ပါ၍ အဆိုပါ ကျောင်းထို-ကက္ကူလမ်း အား ဆောက်လုပ်ရေးဝန်ကြီး ဌာနမှ တာဝန်ယူဆောင်ရွက်ပေးရန် အစီအစဉ်ရှိ/မရှိနှင့် ၂၀၁၄-၁၅ ဘတ်ဂျက်နှစ်တွင် အဆင့်မြှင့်တင်ပေးရန် အစီအစဉ်ရှိ/မရှိ သိရှိလိုပါကြောင်း မေးမြန်းပါသည်။

ဦးခွန်သိန်းဖေ (ဟိုပုန်း) ကိုယ်စား ဦးခွန်မောင်သောင်း (ပင်လောင်း) မှ မေးမြန်းပါသည်။