(ဂ)-ဂျပန်နိုင်ငံမှ ရောက်ရှိလာမည့် လေအားလျှပ်စစ် တပ်ဆင်ရေးအဖွဲ့ အမှန်တကယ်လာရောက်ရန်ရှိ/ မရှိနှင့် စပ်လျဉ်းသည့် မေးခွန်း
မိမိတို့ မာန်အောင်မြို့နယ်သည် ကျွန်းကဲ့သို့ဖြစ်နေ၍ လေတိုက်နှုန်း ပြင်းထန် ပါကြောင်း၊ ရခိုင်ပြည်နယ် တစ်ခုလုံး မဟာဓာတ်အားလိုင်းမှ ၂၄ နာရီမီးရရှိနိုင်ရန် မိမိတို့မြို့နယ်တစ်ခုသာ လျှပ်စစ်မီးမရနိုင်သော မြို့လေးဖြစ်ပါကြောင်း၊ ရမ်းဗြဲနှင့် မာန်အောင်ကျွန်းအကြားရှိ ရေလက်ကြားသည် ၅ မိုင်ကျော် ကွာဝေးပါကြောင်း ၊ ရေအောက်လိုင်းနှင့် ဆက်သွယ်ပြီး လျှပ်စစ်မီးရစေရန် လျှပ်စစ်ဝန်ကြီးဌာန မှ ပြန်ကြားထားပါကြောင်း၊ ယခုအခါ ဂျပန်နိုင်ငံမှ လျှပ်စစ်ပညာရှင်များ မြန်မာနိုင်ငံ သို့ ရောက်လာ၍ လေအားလျှပ်စစ်ရရန် ရခိုင်ပြည်နယ်ကို ဦးစားပေး၍ လေအား လျှပ်စစ်ရရှိနိုင်စေရန် ဆောင်ရွက်ပေးသွားမည်ဟု ရန်ကုန်မှသတင်းရရှိ၍ ဝမ်းသာပီ တိဖြစ်ပြီး မေးမြန်းရခြင်းဖြစ်ပါကြောင်း၊ ထိုလေအားလျှပ်စစ်ကို ဥရောပနိုင်ငံ များဖြစ်သော ဟန်ဂရီနိုင်ငံ၊ အိုစီးရီးယားနိုင်ငံ၊ ပိုလန်နိုင်ငံများမှ အများဆုံးအသုံးပြုနေ ပါကြောင်း၊ မိမိတို့နိုင်ငံတွင် ရေအားလျှပ်စစ် မရနိုင်သောနေရာများကို လေအားလျှပ်စစ်အသုံးပြုပါက တစ်နိုင်ငံလုံး ၂၄ နာရီ မီးလင်း သွားမည်ဖြစ်ပါကြောင်း၊ ထို့ကြောင့် လေအားလျှပ်စစ်တပ်ဆင်ရေးအဖွဲ့ အမှန်တကယ် လာရောက်ရန် ရှိ/မရှိနှင့် ရောက်ရှိလာပါက မိမိတို့ရခိုင်ပြည်နယ်ကို ဦးစားပေး၍ လုပ်ဆောင်ပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။