မောက်မယ်မြို့နယ်အတွင်းသို့ ပို့လွှတ်ဖြန့်ဖြူးပေးနေသော လျှပ်စစ်မီးသည် ကျိုင်းတောင်းရေအားလျှပ်စစ်ဖြစ်ပြီး မိုးနဲမြို့မှ မောက်မယ်အထိ ၁၁ ကေဗွီအေလိုင်းခွဲ ပို့လွှတ်ပေးပါကြောင်း၊ ယခုအခါ လျှပ်စစ်သုံးစွဲမှု တိုးတက် များပြားလာခြင်းကြောင့် နိုင် နင်းမှုအားနည်းနေပါကြောင်း၊ ပတ်ဝန်းကျင်ကျေးရွာများမှ ကိုယ့်အားကိုယ်ကိုး မီးလင်းရေးဆောင်ရွက်မည့် အစီအစဉ်များလည်းရှိနေပါကြောင်း၊ မောက်မယ်မြို့နယ် အတွက် ၃၃ ကေဗွီအေ လိုင်းခွဲရုံ ချထားပေးမည်ဟု ကြားသိရသော်လည်း မည်သည့် ဘဏ္ဍာရေးနှစ်တွင် ဆောင်ရွက်ပေးနိုင်မည်ကို အတိအကျမသိရှိရသေးပါကြောင်း၊ ဓာတ်အားလိုင်းမြှင့်တင်ခြင်းနှင့်အတူ ထရန်စဖော်မာလိုအပ်ချက်များနှင့် မိုးတွင်းကာလ များတွင် သက်တမ်းကြာမြင့်သော သစ်သားလမ်းမီးတိုင်များ အန္တရာယ်ရှိသောကြောင့် ရပ်ကွက်အချို့တွင် စိုက်ထူထားသော သစ်သားမီးတိုင်များကိုလည်း ကွန်ကရစ် တိုင်များအဖြစ် အဆင့်မြှင့်တင် ပေးစေလိုပါကြောင်း၊ ရပ်ကွက်လူထုတွေ့ဆုံပွဲများတွင် မီးအားနည်းသဖြင့် ချက်ပြုတ်ရေး အလုပ်အကိုင်များတွင် အဆင်မပြေကြောင်း၊ လမ်းမီးတိုင်များကို ကွန်ကရစ်တိုင်အဖြစ်သို့ လဲလှယ်ပေးစေလိုကြောင်း ပြည်သူလူထု၏ တင်ပြချက်များရှိခဲ့ပါသဖြင့် မောက်မယ်မြို့နယ်အတွက် ၃၃ ကေဗွီအေ ဓာတ်အားခွဲရုံ ဆောင်ရွက်ပေးမည့် အစီအစဉ်များနှင့် ဓာတ်အားပို့လွှတ် အဆင့်မြှင့်တင်ခြင်းနှင့်အတူ လက်ရှိထရန်စဖော်မာ တိုးချဲ့တပ်ဆင်ပေး ခြင်း၊ ကွန်ကရစ်မီးတိုင်များ လဲလှယ်ပေးမည့်အစီအစဉ်များကို သိရှိလိုကြောင်း မေးမြန်းပါသည်။