ရွှေတောင်မြို့နယ်တွင် ကြာနီကန်ရပ်ကွက်၊ ယွန်းတန်းရပ်ကွက်၊ သရက်တောရပ်ကွက်၊ သရက်တောရပ်ကွက်သည် လူနေစိပ်၍ နွမ်းပါးသူများသောရပ်ကွက်ဖြစ်ပြီး လူနေစိပ်သောကြောင့် ရာသီမရွေး မီးဘေးကို စိုးရိမ်ပူပန်နေရပါကြောင်း၊ ၂၀၁၄ ခုနှစ် သန်းခေါင်စာရင်းကောက်ယူမှုလုပ်ငန်းမှ စာရင်းများအရ သရက်တောရပ်ကွက်တွင် အိမ်ခြေ ၁၉၁၃ အိမ်၊ အိမ်ထောင်စုပေါင်း ၁၉၁၃ စု၊ လူဦးရေ ၇၂၈၇ ရှိပြီး သရက်တောရပ်ကွက်သို့ အသုံးပြုရန်ပေးအပ်ထားသော မီးသတ်ကားသည် ကာလရှည်ကြာပြီဖြစ်သဖြင့် ပြင်ဆင်မရအောင် အခြေအနေဆိုးဝါးနေသဖြင့် သက်ဆိုင်ရာသို့ ပြန်လည် အပ်နှံခဲ့ပြီးဖြစ်ပါကြောင်း၊ မီးလောင်မှုဖြစ်ပွားလျှင် ခရီး (၁၀) မိုင် ကွာသော ပြည်မြို့မှ မီးသတ်ကားများဖြင့် လာရောက်ကူညီ ငြှိမ်းသတ်ပေးနေရပါကြောင်း၊ သို့ဖြစ်ပါ၍ ရွှေတောင်မြို့ သရက်တောရပ်ကွက်အတွက် သီးသန့်မီးသတ် ကား (၁) စီး အမှန်တကယ် လိုအပ်နေပါသောကြောင့် မီးသတ်ကားတစ်စီး ချထားပေးရန် အစီအစဉ်ရှိ/မရှိ သိရှိလိုကြောင်း မေးမြန်းပါသည်။