မှော်ဘီမြို့နယ်တွင် ထန်းတပင်၊ လဲသပင်တိုက်နယ်ဆေးရုံအတွက် ၂၀၁၃-၁၄ ဘဏ္ဍာရေးနှစ်က သန်း ၁၀၀ ချပေးခဲ့သော်လည်း လက်ရှိတွင် ဆောင်ရွက်နိုင်ခြင်း မရှိသေးပါကြောင်း၊ ထိုအတူ ချင်းပြည်နယ် ရေစို၊ ကျွဲကူး၊ ရွှေကြာ၊ ဗရိုက် ကျေးလက် ကျန်းမာရေးဌာနခွဲများ၊ တီးတိန့်မြို့နယ်ရှိ ဟိုင်မွာ ကျေးရွာသစ်၊ ရှမ်းပြည်နယ် နမ္မတူ၊ မိုင်းရယ် ကျေးလက်ကျန်းမာရေးဌာနကို တိုက်နယ်ဆေးရုံအဖြစ် အဆင့်မြှင့်တင် ရန် ဖြည့်စွက်လုပ်ငန်းသစ်များ နှင့်စပ်လျဉ်း၍ ပြီးစီးမှုမရှိသေးသောကြောင့် ကျန်းမာရေးဝန်ကြီးဌာနသည် ၂၀၁၃-၁၄ ဘဏ္ဍာနှစ်အတွင်း အသုံးစရိတ် ကျပ် သန်းပေါင်း ၅၂၈ ဘီလီယံကျော် ချပေးပြီးဖြစ်ပါကြောင်း၊ ငွေလုံးငွေရင်း အသုံးစရိတ် ကိုလည်း ၂၂၀.၅၃၆ ဘီလီယံအထိ အဆောက်အဦအပိုင်း၊ စက်ပစ္စည်းကိရိယာ ဝယ်‌ယူရေးအပိုင်း၊ ရုံးသုံးပစ္စည်းပရိဘောဂ နှင့် ယာဉ်များဝယ်ယူရေးအတွက် မိမိတို့ ခွဲဝေချထားပြီး ပြည်ထောင်စုလွှတ်တော်မှ လျာထားပြီးဖြစ်ပါကြောင်း၊ ထိုကြောင့် ငွေလုံးငွေရင်းအသုံးစရိတ် ၂၂၀.၅၃၆ ဘီလီယံတွင် ကျန်းမားရေးဝန်ကြီးဌာနသည် အဆောက်အဦ များနှင့်စပ်လျဉ်း၍ လုပ်ငန်းသစ်အပိုင်း၊ စက်ပစ္စည်းကိရိယာများ၊ ဆေးရုံကြီးများကို ဝယ်ယူတပ်ဆင်ရေးအပိုင်း၊ ရုံးသုံးပစ္စည်းကိရိယာများ၊ ပရိဘောဂ များနှင့် ယာဉ်များ ဝယ်ယူပြီးစီးမှုအခြေအနေများနှင့် ဆေးရုံကြီးများ၊ ကျေးလက်ကျန်းမာရေးဌာန၊ ဌာနခွဲများ အတွက် အခြေခံကျန်းမာရေးစောင့်ရှောက်မှုများ အထူးဂရုပြု ဆောင်ရွက်နိုင်ရန် ဆေးဝါးဝယ်ယူ ခွဲဝေပေးမှုအပိုင်း ကို သိရှိလိုကြောင်း မေးမြန်းပါသည်။