မဒေးကျွန်း ရေနက်ဆိပ်ကမ်းသည် တန်ချိန်သုံးသိန်းခန့်ရှိသည့် ရေနံစိမ်းတင် သင်္ဘောကြီးများ အမြဲဝင်ထွင်နိုင် သကဲ့သို့ ရေနံစိမ်းသိုလှောင်ကန်ကြီး ၁၂ ခု ုရှိပါကြောင်း၊ တစ်ခုလျှင် ကုဗမီတာ တစ်သိန်းရှိသည့်အတွက် စုစုပေါင်း ကုဗမီတာ ပေါင်း ၁၂သိန်းရှိသည့် ရေနံစိမ်းများကို သိုလှောင်နိုင်သည့် အနေအထား ရှိပါကြောင်း၊ ထိုကဲ့သို့ ရေနံစိမ်းများကို သယ်ယူသိုလှောင်ရာတွင် လူနှင့် စက်ကိရိယာများ၏ ချို့ယွင်းချက်ကြောင့် ရေနံစိမ်းများယိုဖိတ်မှုရှိသလို သဘာဝ ဘေးအန္တရာယ်ကြီးများကြောင့်လည်း ရေနံစိမ်းများ ယိုဖိတ်မှုဖြစ်တတ်ပါကြောင်း၊  ထိုင်းနိုင်ငံ ထိုင်းပင်လယ်ကွေ့တွင်  PTT ကုမ္ပဏီပိုင် ရေနံစိမ်းတင် သင်္ဘော ရေနံစိမ်းယိုဖိတ်ခဲ့သည့်အတွက် ပတ်ဝန်းကျင်ညစ်ညမ်းမှု အများအပြား ဖြစ်ခဲ့ပါကြောင်း၊  ယင်းကိစ္စနှင့်ပတ်သက်၍  မေးမြန်းသည့်အခါ PTT ကုမ္ပဏီ အနေဖြင့် Insurance ထားရှိခြင်းကြောင့် ယိုဖိတ်ရေနံစိမ်းများကို  ဖယ်ရှားရာတွင် အခက်အခဲမရှိ ဖြေရှင်းနိုင်သည်ဟု သိရှိရပါကြောင်း၊ ကျောက်ဖြူဒေသသည်လည်း  မုန်တိုင်းဝင်ရောက်တိုက်ခတ်နိုင်သည့်ဒေသဖြစ်ရာ ရေနံစိမ်းသိုလှောင်ကန်ကြီးများ  ခိုင်ခန့်မှုရှိ/မရှိနှင့် ရေနံများ ယိုဖိတ်ခဲ့ပါက သဘာဝပတ်ဝန်းကျင် ထိခိုက်ကာ ပေးဆပ်ရမည့် ပမာဏသည် အလွန်များပြားပါကြောင်း၊  ထို့ကြောင့် ရေနံစိမ်းသိုလှောင်မှု ပမာဏကြီးမားသော သိုလှောင်ကန်ကြီးများမှာ အကြောင်း တစ်ခုခုကြောင့် ရေနံစိမ်းယိုဖိတ်မှုများ ဖြစ်ပေါ်လာခဲ့ပါက ငွေရေးကြေးရေးအစီအမံဖြစ်သည့် Insurance နှင့် ကျွမ်းကျင်မှုအစီအမံအဖြစ် ရုတ်တရတ် ယိုစိမ့်ရေနံများကို ရှင်းလင်းမည့် ကိရိယာမျိုး ထားရှိမှု ရှိ/မရှိ စသည့် အစီအမံများ ရှိ/မရှိကို သိလိုပါကြောင်းမေးမြန်းပါသည်။