တောင်သူလယ်သမားများသည် ဝင်ငွေတိုးတက်ရရှိရေးအတွက် ဈေးကောင်းရသည့်တောင်ယာသီးနှံများကို စိုက်ပျိုးထုတ်လုပ်ကြရာ သီးနှံများဈေးကျသဖြင့် အရှုံးပေါ်ဒုက္ခရောက်ကျရသည့်ကိစ္စများ နိုင်ငံနှင့်အဝှမ်း တွေ့မြင်ကြားသိ နေရပါကြောင်း၊ တောင်သူလယ်သမားများအား လယ်ယာစိုက်ပျိုးရေးနှင့်ဆည်မြောင်းဝန်ကြီးဌာန၏ ဦးဆောင်လမ်း ညွှန်မှုဖြင့် မိမိနယ်မြေဒေသတွင် အဖြစ်ထွန်းနိုင်ဆုံးသော သီးနှံကိုစိုက်ပျိုးစေခြင်း၊ ထွက်ရှိလာသော သီးနှံများကို ကုန်ချောထုတ်လုပ်ရန် စက်ရုံတည်ဆောက်ရင်းနှီးမြှုပ်နှံမည့်သူများအား စည်ရုံးဆောင်ရွက်စေခြင်း၊ ကုန်ကြမ်း၊ ကုန်ချောများအား ဈေးကွက်ရရှိရေးအတွက် ကူညီလုပ်ဆောင်ပေးခြင်းများ ဆောင်ရွက်ပေးရန် အစီအစဉ်ရှိ/မရှိ သိရှိလိုပါကြောင်း၊ လယ်သမားများသည် လယ်နှင့် တောင်ယာသီးနှံကိုသာ စိုက်ပျိူးခြင်းဖြစ်သော်လည်း ဈေးနှိမ်ခံရပြီး ဈေးများ ကျနေသဖြင့် စိုက်ပျိုးထုတ်လုပ်ရန် အစိုးရအဆက်ဆက်ကအားပေးခဲ့ပြီး မည်သို့ရောင်းချမည်ဆိုသည့် Marketing  ပိုင်းကို လိုအပ်ပါကြောင်း၊ ထိုကြောင့် ယင်းကိစ္စများနှင့်ပတ်သတ်၍ မည်သည့်အစီအစဉ်များရှိသည်ကို သိရှိလိုကြောင်းမေးမြန်းပါသည်။