(ခ)-နိုင်ငံတော်အတွင်းမြို့နယ်ရုံးစိုက်ရာမြို့များ၌အ လုပ်သမားမှတ်ပုံတင်ရုံးခွဲများတိုးချဲ့ဖွင့်လှစ်ပေးရန် အစီအစဉ် ရှိ၊မရှိ နှင့်စပ်လျဉ်းသည့် မေးခွန်း
မြန်မာနိုင်ငံသည် အစိုးရသစ်လက်ထက်တွင် နိုင်ငံခြား ရင်းနှီးမြှုပ်နှံမှုများရရှိလာခြင်း၊ စီးပွားရေး ဖွံ့ဖြိုးတိုးတက်လာခြင်းတို့အရ နိုင်ငံအနှံ့အပြားတွင် စက်မှုဇုန်များ၊ စက်ရုံအလုပ်ရုံများ တည်ထောင် လာကြသည့်အတွက် စီးပွားရေးဖွံ့ဖြိုးတိုးတက်လာသည့်နည်းတူ အလုပ်သမားမှတ်ပုံတင်ရရှိရေးသည် လည်း အဓိကလိုအပ်ချက်တစ်ရပ် ဖြစ်လာပါကြောင်း၊ အလုပ်သမားမှတ်ပုံတင်ရရှိရန်ဆောင်ရွက်ရာတွင် အလုပ်သမားမှတ်ပုံတင်ရုံးစိုက်ရာ မြို့ကြီးများနှင့် နီးစပ်သောဒေသများအတွက် အဆင်ပြေကြသော်လည်း ဝေးလံသောအရပ်ဒေသများတွင် ရှိသော အလုပ်အကိုင် လျှောက်ထားလိုသူများအတွက် အခက်အခဲများစွာ ကြုံတွေ့နေရသည်ကို သိရှိရပါကြောင်း၊ မြို့နယ်ရုံးစိုက်ရာမြို့များ၌ အလုပ်သမားမှတ်ပုံတင်ရုံးခွဲများကို ထပ်မံတိုးချဲ့ဖွင့်လှစ်ပေးခြင်းဖြင့် အလုပ်သမားမှတ်ပုံတင် ရရှိရေးတွင် ပိုမို အဆင်ပြေချောမွေ့မည်ဖြစ်ပြီး နိုင်ငံတော်၏ စီးပွားရေး ဖွံ့ဖြိုးတိုးတက်မှုကိုလည်း အထောက်အကူပြုမည်ဖြစ်ပါကြောင်း၊ ထို့ကြောင့် နိုင်ငံတော်အတွင်း မြို့နယ် ရုံးစိုက်ရာ မြို့များ၌ အလုပ်သမားမှတ်ပုံတင် ရုံးခွဲများ တိုးချဲ့ဖွင့်လှစ်ပေးရန် အစီအစဉ်ရှိ/မရှိ သိလို ပါကြောင်းမေးမြန်းပါသည်။