ရခိုင်ပြည်နယ်ရှိ ဂွမြို့နယ်နှင့် သံတွဲမြို့နယ်နယ်စပ် ပုဇွန်ဖြေကျေးရွာအုပ်စု  ခတ္ထု-ဇရပ်မြေစသည့် ကျေးရွာများ အနီးတွင် မြေဧက ၃၀၀၀၀ ခန့်ကို Golden Key ကုမ္ပဏီက ကျွန်းပင်များကို Tissue Culture နည်းစနစ်ဖြင့် စိုက်ပျိုးမည့် စီမံကိန်းကြီးရှိရာ ယခုအချိန်တွင် ဧက ၁၀၀၀ ခန့်ကို အပြောင်ရှင်းထားသည်ကို တွေ့ရှိရပါကြောင်း၊ ယင်းစီမံကိန်းသည် ငွေကျပ် ၄ ဘီလီယံမှ ၅ ဘီလီယံခန့် ကုန်ကျမည့် စီမံကိန်းကြီးတစ်ခု ဖြစ်သည်ကိုလည်း သိရှိရပါကြောင်း၊ ယင်းစီမံကိန်းကြောင့် ဒေသခံပြည်သူများ နေထိုင်မှုအတွက် လိုအပ်သော သစ်တောထွက် ပစ္စည်းများရရှိမှု ခက်ခဲသွားနိုင်သည်ကို ဒေသခံပြည်သူများက တင်ပြလာပါကြောင်း၊ ထို့အပြင် Tissue Culture နည်း စိုက်ပျိုးရေးစနစ်သည် သုတေသနပြုပြီးသည်မှာ   သေချာမှု ရှိပါသလား၊ သေချာမှုမရှိပါက ယင်းစိုက်ပျိုးရေးစနစ်များကြောင့် သစ်တောပြုန်းတီးမှုများရှိလာနိုင်သဖြင့် မူလသစ်တောများတွင်ရှိသော ဗီဇဝန်းကျင်ကိုပါ ထိခိုက်လာနိုင်ပါကြောင်း၊ သို့ဖြစ်ပါ၍ ဂွမြို့နယ်နှင့် သံတွဲမြို့နယ်အစပ်ရှိ ပုဇွန်ဖြေ ကျေးရွာအုပ်စုရှိ ဧက ၃၀၀၀၀ ခန့်အား ကျွန်းပင်များကို Tissue Culture နည်းဖြင့် စိုက်ပျိုးသည့်ကိစ္စကို နိုင်ငံတော်က ခွင့်ပြုထားသည်ကို သိရှိပါသလားနှင့်  အဆိုပါလုပ်ငန်းသည် ပတ်ဝန်းကျင်ဒေသလူထုနှင့် လက်ရှိသစ်တော၏ မျိုးရင်းဗီဇကို ထိခိုက်မှုရှိ/မရှိ သိရှိလိုကြောင်း မေးမြန်းပါသည်။

ဦးကြည်သာ (ဂွ) ကိုယ်စား ဦးဝင်းမြင့် (ပြည်) က မေးမြန်းပါသည်။